മോഹൻലാലിൻ്റെജൻമദിനമായമെയ് ഇരുപത്തി ഒന്നിന് ജോർജുകുട്ടിയും കുടുംബവും  എത്തുന്നു

മലയാള സിനിമയിലെ ആദ്യ ഫാമിലി ത്രില്ലർ എന്നു വിശേഷിപ്പിക്കാവുന്ന ദൃശ്യം സിനിമയുടെ മൂന്നാം ഭാഗമായ ദൃശ്യം 3 മോഹൻലാലിൻ്റെ ജൻമദിനമായ മെയ് ഇരുപത്തിയൊന്നിന് ജൻമദിന സമ്മാനമായി എത്തുന്നു.

ജീത്തു ജോസഫ് രചനയും സംവിധാനവും നിർവഹിക്കുന്ന ഈ ചിത്രം ആശീർവ്വാദ് സിനിമാസിൻ്റെ ബാനറിൽ ആൻ്റണി പെരുമ്പാവൂർ നിർമ്മിക്കുന്നു “ഭൂതകാലം ഒരിക്കലും നിശബ്ദമായിരിക്കില്ല അത് കാത്തിരിക്കുക മാത്രമേ ചെയ്യൂ….”
എന്ന ടാഗ് ലൈനോടെ യാണ് മോഹൻലാൽ തൻ്റെ ഒഫീഷ്യൽ പേജിലൂടെ റിലീസ് ഡേറ്റ് പ്രഖ്യാപിച്ചിരിക്കുന്നത്.
പ്രേക്ഷകർ ആകാംക്ഷയോടെ കാത്തിരിക്കുന്നതാണ് ജോർജ് കുട്ടിയേയും കുടുംബത്തേയും.
അവധിക്കാലം ആഘോഷിക്കാനും, ഈസ്റ്റർ, വിഷു ആഘോഷങ്ങൾക്ക് മാറ്റുകൂട്ടുവാനുമായി ഏപ്രിൽ ആദ്യവാരത്തിൽ റിലീസ് ചെയ്യാനുള്ള ഒരുക്കത്തിലായിരുന്നു അണിയറ പ്രവർത്തകർ. അതിനനുസരിച്ചുള്ള പോസ്റ്റ് പ്രൊഡക്ഷൻസ് ജോലികളും ഏതാണ്ട് പൂർത്തിയായിക്കഴിഞ്ഞിരുന്നതാണ്.
ചില സാങ്കേതികകാരണങ്ങളും ഒപ്പം തന്നെ മോഹൻലാലിൻ്റെ ജൻമദിനാഘോഷവും പ്രമാണിച്ച് റിലീസ് മെയ് ഇരുപത്തിഒന്നിലേക്കു മാറ്റുകയായിരുന്നു.
ജോർജുകുട്ടിയുടെ കുടുംബാംഗങ്ങളെ പ്രതിനിധീകരിക്കുന്ന മീന, അൻസിബ , എസ്തർ അനിൽ എന്നിവരും നിരവധി താരങ്ങളും ചിത്രത്തിലുണ്ട്.
ജോർജ് കുട്ടിയേയും കുടുംബത്തേയുംവരവേൽക്കാനുള്ള ആവേശത്തിലാണ് ആരാധകരും പ്രേക്ഷകരും.

വാഴൂർ ജോസ്.

Follow Us on Instagram!
GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb