കൊറോണ വൈറസ് വ്യാപനത്തെ തുടര്‍ന്ന്​ ടെഹ്​റാനില്‍ കുടുങ്ങിയ 275 ഇന്ത്യക്കാര്‍ തിരിച്ചെത്തി

ന്യൂഡല്‍ഹി: ​കൊറോണ വൈറസ് (COVID-​19) വ്യാപനത്തെ തുടര്‍ന്ന്​ ഇറാനിലെ ടെഹ്​റാനില്‍ കുടുങ്ങിയ 275 ഇന്ത്യക്കാരെ തിരിച്ചെത്തിച്ചു. 

ഇന്ന്​ പുലര്‍ച്ചെയാണ്​ ഇവരുമായുള്ള മഹാന്‍ എയറിന്‍റെ വിമാനം ഇന്ത്യയിലെത്തിയത്. ജോധ്പൂരിലാണ് ഇവരെ എത്തിച്ചിരിക്കുന്നത്‌. ഇവര്‍ക്ക് ​ 14 ദിവസത്തെ സമ്പര്‍ക്ക വിലക്ക്​ ഏര്‍പ്പെടുത്തിയിട്ടുണ്ട്​.

അതേസമയം, കൊറോണ വൈറസ്  ബാധയുമായി  ബന്ധപ്പെട്ട  പരിശോധനകള്‍ക്ക് ശേഷം  ഇവരെ  സേനയുടെ വെൽനസ് സെന്ററില്‍ പാര്‍പ്പിക്കുമെന്നാണ് റിപ്പോര്‍ട്ട്.

കഴിഞ്ഞ 25ന് രണ്ട് ബാച്ചായി 277 പേരെ ഇന്ത്യയില്‍ എത്തിച്ചിരുന്നു. ഇവരും സമ്പര്‍ക്ക വിലക്കില്‍ കഴിയുകയാണ്. 
 
ഇറാനി​ല്‍ കുടുങ്ങിയ വിദ്യാര്‍ഥികളും മത്സ്യതൊഴിലാളികളും തീര്‍ത്ഥാടകരുമുള്‍പ്പെടെ 1500 ലധികം പേരെ കോവിഡ്​ പരിശോധനക്ക്​ ശേഷം ഇന്ത്യ തിരിച്ചെത്തിച്ചിരുന്നു.