ജമ്മു കാശ്മീരിൽ കൊറോണ ബാധിച്ചവരിൽ മലയാളികളും; ഇവർ നിസാമുദ്ദീനിലെ തബ്ലിഗ് ജമാഅത്ത് മത സമ്മേളനത്തിൽ പങ്കെടുത്തവർ

ശ്രീനഗർ: കാശ്മീരിൽ കഴിഞ്ഞ ദിവസം കൊറോണ വൈറസ് ബാധ റിപ്പോർട്ട് ചെയ്തവരിൽ കേരളത്തിൽ നിന്നുള്ളവരും.

കഴിഞ്ഞ ദിവസത്തെ പരിശോധനയിൽ ആകെ 18 പേർക്കാണ് കൊറോണ വൈറസ് ബാധ സ്ഥിരീകരിച്ചത്. ഇതിൽ 7 പേർ കേരളത്തിൽ നിന്നുള്ളവരാണ്. ഇവർ നിസാമുദ്ദീനിലെ തബ്ലിഗ് ജമാഅത്ത് മത സമ്മേളനത്തിൽ പങ്കെടുത്തവരാണ്.

ഇവർ ശ്രീനഗറിൽ മാർച്ച് 27 നാണ് എത്തിയത്. ഇന്നലെയാണ് ഇവരെ സുരക്ഷാ സേന കസ്റ്റഡിയിലെടുത്ത് ക്വാറന്റൈനിലാക്കിയത്. എഴ് പേരിൽ അഞ്ച് പേർ മലപ്പുറം ജില്ലയിൽ നിന്നുള്ളവരാണ്. ഒരാൾ കണ്ണൂർ ജില്ലയിലെ ശിവപുരത്ത് നിന്നും മറ്റൊരാൾ കോഴിക്കോട് കുന്ദമംഗലം സ്വദേശിയുമാണ്.

ഇവർ കാശ്മീരിൽ എവിടെയൊക്കെ യാത്ര ചെയ്തു എന്നത് സംബന്ധിച്ച് അന്വേഷണം നടക്കുകയാണ്. കഴിഞ്ഞ ദിവസത്തെ കണക്കുകൾ അനുസരിച്ച് കാശ്മീരിൽ 207 പേർക്കാണ് കോവി ഡ് 19 സ്ഥിരീകരിച്ചത്. 

കൊറോണ സ്ഥിരീകരിച്ച മലയാളികളുടെ യാത്രാ വിവരങ്ങൾ ജമ്മു കാശ്മീർ പോലീസും ആരോഗ്യ പ്രവർത്തകരും ശേഖരിക്കുകയാണ്. ഇവരുമായി സമ്പർക്കത്തിലായവരെ നിരീക്ഷണത്തിലാക്കാനുള്ള നടപടികൾ ആരംഭിച്ചിട്ടുണ്ട്.