മുംബൈ: സംസ്ഥാന ജീവനക്കാരുടെ പ്രവൃത്തിദിനം അഞ്ചാക്കി കുറച്ച് മഹാരാഷ്ട്ര. ഫെബ്രുവരി 29 മുതൽ മഹാരാഷ്ട്രയിൽ പ്രവൃത്തിദിനം അഞ്ചാക്കിയത് നിലവിൽവരും. ഇതോടെ സംസ്ഥാനത്തെ 22 ലക്ഷം സർക്കാർ ജീവനക്കാർക്ക് ഇനി അഞ്ച് ദിവസം ജോലി ചെയ്താൽ മതിയാകും. എന്നാൽ പുതിയ പരിഷ്ക്കാരത്തിന്റെ ഭാഗമായി ജോലിസമയം 45 മിനുട്ട് കൂട്ടിയിട്ടുണ്ട്. തിങ്കൾ മുതൽ വെള്ളിവരെ ജോലി ചെയ്യുന്നവർക്ക് ശനിയും ഞായറും വാരാന്ത്യ ഓഫ് ലഭിക്കും. കേന്ദ്രസർക്കാർ ജീവനക്കാർക്ക് നേരത്തെതന്നെ പ്രവൃത്തിദിനം അഞ്ചാണ്. രാജസ്ഥാൻ, ബീഹാർ, പഞ്ചാബ്, ഡൽഹി, തമിഴ് നാട്, പശ്ചിമ ബംഗാൾ എന്നിവിടങ്ങളിലും സർക്കാർ ജീവനക്കാരുടെ പ്രവൃത്തിദിനം അഞ്ചാണ്.
പുതിയ പരിഷ്ക്കാരം നിലവിൽ വരുന്നതോടെ മഹാരാഷ്ട്രയിൽ സർക്കാർ ജീവനക്കാരുടെ ജോലി സമയം 9.45 മുതൽ 6.15 വരെയാകും. നിലവിൽ അത് 5.30 വരെയായിരുന്നു. അര മണിക്കൂർ ഉച്ചഭക്ഷണസമയം ഉൾപ്പടെയായിരിക്കും പുതിയ സമയക്രമം.
നിലവിൽ ഒരു വർഷം 288 ദിവസമാണ് മഹാരാഷ്ട്രയിൽ സർക്കാർ ജീവനക്കാർ ജോലി ചെയ്യേണ്ടത്. എന്നാൽ പ്രവൃത്തിദിനം അഞ്ചാക്കുന്നതോടെ ഒരു വർഷം ജോലി ചെയ്യേണ്ടത് 264 ദിവസമായി കുറയും. നിലവിൽ ഒരു ദിവസം ഏഴ് മണിക്കൂറും 15 മിനുട്ടുമാണ് ജോലി സമയമെങ്കിൽ ഫെബ്രുവരി 29 മുതൽ ഇത് എട്ട് മണിക്കൂറായി ഉയരും. ഒരു വർഷം 24 മണിക്കൂർ അല്ലെങ്കിൽ ഒരു ദിവസം അധികമായി ജോലി ചെയ്യേണ്ടിവരും.
അതേസമയം പ്രവൃത്തിദിനം അഞ്ചാക്കിയത് ഫാക്ടറീസ് ആക്ട്, ഇൻഡസ്ട്രീയൽ ആക്ട്, അവശ്യ സേവനം തുടങ്ങിയവ ബാധകമായ സർക്കാർ ഓഫീസുകളിൽ നടപ്പാക്കില്ല. അതിനാൽ ആശുപത്രികൾ, പൊലീസ്, ജയിൽ, ജലവിതരണം, സ്കൂൾ-കോളേജ് എന്നിവിടങ്ങളിൽ പഴയ സമയക്രമം തുടരും.
നിത്യജീവിതത്തിൽ പഞ്ചസാര പൂർണ്ണമായി ഒഴിവാക്കാനാവാത്ത ഭക്ഷണമാണ്. എന്നാൽ, അമിതമായ പഞ്ചസാരയുടെ അളവ് കുറയ്ക്കുന്നത് ശരീരഭാരം കുറയ്ക്കാനും ഉപാപചയ ആരോഗ്യം മെച്ചപ്പെടുത്താനും…
ഹ്രസ്വകാല വിസ നിരസിക്കലുകൾക്ക് അപ്പീൽ നൽകാനുള്ള അവകാശം സർക്കാർ നീക്കം ചെയ്തു. ഷോർട്ട് സ്റ്റേ ടൈപ്പ് സി വിസ ആളുകൾക്ക്…
ഡബ്ലിന് : ലൂക്കനില് മലയാളി യുവാവ് ഹൃദയസ്തംഭനത്തെ തുടര്ന്ന് മരിച്ചു. ലൂക്കന് ബാലിയോവന് അബിഡെയ്ല് റൈസിലെ രാജു കുര്യാക്കോസിന്റെ മകന്…
സെൻട്രൽ സ്റ്റാറ്റിസ്റ്റിക്സ് ഓഫീസ് പ്രസിദ്ധീകരിച്ച പണപ്പെരുപ്പ കണക്കെടുപ്പ് പ്രകാരം, ഏപ്രിൽ മുതൽ മെയ് വരെയുള്ള കാലയളവിൽ അയർലണ്ടിലെ ഊർജ്ജ വില…
ഡബ്ലിൻ കനോലി സ്റ്റേഷനും ബ്രേയ്ക്കും ഇടയിലുള്ള എഞ്ചിനീയറിംഗ് ജോലികൾ കാരണം ബാങ്ക് ഹോളിഡേ വാരാന്ത്യത്തിൽ തടസ്സങ്ങൾ ഉണ്ടാകുമെന്ന് റെയിൽ യാത്രക്കാർക്ക്…
സ്വിറ്റ്സർലൻഡ്: സ്വിറ്റ്സർലൻഡിലെ വിൻറർതൂർ റെയിൽവേ സ്റ്റേഷനിൽ വ്യാഴാഴ്ച രാവിലെ തിരക്കേറിയ സമയത്തുണ്ടായ കത്തിക്കുത്തിൽ മൂന്ന് പേർക്ക് പരിക്കേറ്റു. ആക്രമണത്തിന്…