ലക്നൗ: ഉത്തര്പ്രദേശിലെ ഗാസിയാബാദിലെ അക്രമി സംഘത്തിന്റെ വെടിയേറ്റ മാധ്യമപ്രവര്ത്തകന് മരിച്ചു. തലയ്ക്ക് വെടിയേറ്റ് ഗുരുതരാവസ്ഥയില് കഴിയുകയായിരുന്ന വിക്രം ജോഷിയാണ് മരിച്ചത്.
തലയില് വെടിയുണ്ടയേറ്റ ഭാഗത്തെ ഞരമ്പുകള്ക്ക് സാരമായ ക്ഷതമേറ്റിരുന്നതായി വിക്രം ജോഷിയെ ചികിത്സിച്ച ഡോക്ടര് വ്യക്തമാക്കി.
മാധ്യമപ്രവര്ത്തകന് നേരെ അക്രമമുണ്ടായിട്ടും പൊലീസ് നടപടിയെടുത്തില്ലെന്ന് കുടുംബം ആരോപിച്ചിരുന്നു. ഇതേതുടര്ന്ന് സ്റ്റേഷന് ചുമതലയുള്ള പൊലീസിനെ സസ്പെന്ഡ് ചെയ്തിട്ടുണ്ട്.
കേസില് ഒന്പതു പേരെ ഇതുവരെ അറസ്റ്റ് ചെയ്തു. ഒരാളെ പിടികൂടാനുള്ള ശ്രമത്തിലാണ്.
തിങ്കളാഴ്ച രാത്രിയാണ് മാധ്യമപ്രവര്ത്തകന് വെടിയേറ്റത്. മകളോടൊപ്പം ബൈക്കില് വീട്ടിലേക്ക് മടങ്ങുമ്പോഴാണ് സംഭവം.
മാധ്യമപ്രവര്ത്തകന്റെ അനന്തരവളെ ഒരു സംഘം ഉപദ്രവിച്ചിരുന്നു. ഇതിനെതിരെ പൊലീസില് പരാതി നല്കി അടുത്ത ദിവസമാണ് മാധ്യമപ്രവര്ത്തകനെ വെടിവെച്ചത്. വിക്രം ജോഷിയെ ആക്രമിക്കുന്ന ദൃശ്യങ്ങള് സി.സി.ടി.വി ക്യാമറയില് പതിഞ്ഞിട്ടുണ്ട്.
തന്റെ അനന്തരവളെ ചിലര് ചേര്ന്ന് അപമാനിക്കാന് ശ്രമിച്ചുവെന്ന് ആരോപിച്ച് മാധ്യമപ്രവര്ത്തകന് വിജയനഗര് പൊലീസില് ഒരു പരാതി നല്കിയിരുന്നതായി സഹോദരന് അനികേത് ജോഷി വ്യക്തമാക്കിയിരുന്നു. പെണ്കുട്ടിയോട് മോശമായി പെരുമാറിയ ആളുകള് തന്നയാണ് മാധ്യമപ്രവര്ത്തകനെ ഉപദ്രവിച്ചതെന്നും സഹോദരന് ആരോപിച്ചിരുന്നു.
വിഷയത്തില് പ്രതികരണവുമായി സര്ക്കാരിനെതിരെ കോണ്ഗ്രസ് ജനറല് സെക്രട്ടറി പ്രിയങ്കാ ഗാന്ധി രംഗത്തെത്തിയിരുന്നു.
തന്റെ അനന്തരവളെ ശല്യം ചെയ്തതിന് പൊലീസില് പരാതി നല്കിയതിനാണ് ഒരു മാധ്യമപ്രവര്ത്തകന് വെടിയേറ്റത്. ഈ ജംഗിള് രാജില് സാധാരണക്കാരന് എങ്ങനെ സുരക്ഷിതനാകും എന്നായിരുന്നു പ്രിയങ്കാ ഗാന്ധിയുടെ പ്രതികരണം.
കൊച്ചി: നടനും തിരക്കഥാകൃത്തും സംവിധായകനുമായ ശ്രീനിവാസൻ അന്തരിച്ചു. 69 വയസ്സായിരുന്നു. തൃപ്പൂണിത്തുറ താലൂക്ക് ആശുപത്രിയിലായിരുന്നു അന്ത്യം. ഇരുന്നൂറോളം സിനിമകളിൽ വേഷമിട്ടിട്ടുണ്ട്.…
അഹമ്മദാബാദ്: ഇന്ത്യ ദക്ഷിണാഫ്രിക്ക അഞ്ചാം ടി20 മത്സരത്തിനിടെ അംപയർ രോഹൻ പണ്ഡിറ്റിന് പരിക്ക്. ഇന്ത്യൻ ഓപ്പണർ സഞ്ജു സാംസണിന്റെ ഷോട്ടിലാണ്…
ലെവൽ ഹെൽത്ത് തങ്ങളുടെ ചില ആരോഗ്യ ഇൻഷുറൻസ് പോളിസികളുടെ വില അടുത്ത ഫെബ്രുവരി മുതൽ വർദ്ധിപ്പിക്കുമെന്ന് പ്രഖ്യാപിച്ചു.എല്ലാ പ്ലാനുകളിലുമുള്ള ശരാശരി…
ഡബ്ലിനിലെ ആദംസ്ടൗണിൽ ഏകദേശം 400 ചിലവ് കുറഞ്ഞ വാടക വീടുകളുടെ ആദ്യ ഘട്ടത്തിനായുള്ള അപേക്ഷകൾ ലാൻഡ് ഡെവലപ്മെന്റ് ഏജൻസി (എൽഡിഎ)…
നികുതി റീഫണ്ട് ക്ലെയിം ചെയ്യാനുള്ള സമയപരിധി ഡിസംബർ 31ന് അവസാനിക്കും. 2021-ലെ നികുതി റീഫണ്ട് ക്ലെയിം ചെയ്യാനുള്ള നിങ്ങളുടെ അവസാന…
ലിമെറിക്ക്, മോനാഗൻ, ടിപ്പററി കൗണ്ടികളിലെ വ്യത്യസ്ത റോഡപകടങ്ങളിൽ രണ്ട് പുരുഷന്മാരും ഒരു സ്ത്രീയും മരിച്ചു.കാസിൽബ്ലെയ്നിക്ക് സമീപമുള്ള അന്നലിറ്റനിലെ മുല്ലഗ്നിയിൽ രാവിലെ…