Categories: India

മല്ലികാര്‍ജ്ജുന്‍ ഖാര്‍ഗെ എതിരില്ലാതെ തെരഞ്ഞെടുക്കപ്പെട്ടതോടെ പൂര്‍ത്തിയാവുന്നത് കോണ്‍ഗ്രസ് അധ്യക്ഷ സോണിയ ഗാന്ധിയുടെ വാഗ്ദാനം

ബെംഗളൂരു: കര്‍ണാടകയിലെ രാജ്യസഭാ തെരഞ്ഞെടുപ്പില്‍ മുതിര്‍ന്ന കോണ്‍ഗ്രസ് നേതാവ് മല്ലികാര്‍ജ്ജുന്‍ ഖാര്‍ഗെ എതിരില്ലാതെ തെരഞ്ഞെടുക്കപ്പെട്ടതോടെ പൂര്‍ത്തിയാവുന്നത് കോണ്‍ഗ്രസ് അധ്യക്ഷ സോണിയ ഗാന്ധിയുടെ വാഗ്ദാനം. ഖാര്‍ഗെയെ പാര്‍ലമെന്റിലെത്തിക്കുമെന്ന് സോണിയാ ഗാന്ധി വാക്ക് നല്‍കിയിരുന്നു.

കഴിഞ്ഞ പാര്‍ലമെന്റ് തെരഞ്ഞെടുപ്പില്‍ പരാജയപ്പെടുന്നതുവരെ രാഷ്ട്രീയ ജീവിതത്തില്‍ പരാജയം രുചിച്ചിട്ടില്ലാത്ത നേതാവായിരുന്നു ഖാര്‍ഗെ. ലോക്‌സഭാ സീറ്റില്‍ കല്‍ബുര്‍ഗിയില്‍നിന്നും ഖാര്‍ഗെ പരാജയപ്പെട്ടതിന് പിന്നാലെ കോണ്‍ഗ്രസിന്റെ ഈ കരുത്തുറ്റ നേതാവിനെ രാജ്യസഭാ തെരഞ്ഞെടുപ്പിലൂടെ പാര്‍ലമെന്റില്‍ എത്തിക്കുമെന്ന് സോണിയ ഗാന്ധി ഉറപ്പുപറഞ്ഞിരുന്നു.

സോണിയയുടെ ഈ പ്രസ്താവനയ്ക്ക് പിന്നാലെ രാജസ്ഥാനില്‍നിന്നും 2019ല്‍ ഗാര്‍ഖെ രാജ്യസഭയിലേക്ക് മത്സരിക്കാന്‍ ഒരുങ്ങിയിരുന്നു. എന്നാല്‍ മുന്‍ പ്രധാനമന്ത്രി മന്‍മോഹന്‍സിങിനെ ഈ സീറ്റിലൂടെ വീണ്ടുമെത്തിക്കാനായിരുന്നു കോണ്‍ഗ്രസ് ശ്രമിച്ചത്. അസമില്‍നിന്നുള്ള മന്‍മോഹന്‍സിങിന്റെ കാലാവധി അവസാനിക്കാനിരിക്കെയായിരുന്നു ഈ നീക്കം.

ഇത്തവണ രാജ്യസഭാ തെരഞ്ഞെടുപ്പ് പ്രഖ്യാപിച്ചതോടെ കര്‍ണാടകയില്‍ കോണ്‍ഗ്രസിന് ഒരു സീറ്റുറപ്പായിരുന്നു. യാതൊരു സംശയത്തിനും പുനരാലോചനകള്‍ക്കും ഇടം നല്‍കാതെ കോണ്‍ഗ്രസ് ഖാര്‍ഗെയെ കര്‍ണാടകയില്‍ ഇറക്കാന്‍ തീരുമാനിക്കുകയും ചെയ്തു. തെരഞ്ഞെടുപ്പ് കമ്മീഷന്‍ തിയതി പ്രഖ്യാപിച്ചതിന് പിന്നാലെ ഖാര്‍ഗെയുടെ സ്ഥാനാര്‍ത്ഥിത്വം കോണ്‍ഗ്രസും പ്രഖ്യാപിച്ചു.

സംസ്ഥാനഘടകത്തിന് കൂടുതല്‍ പേരുടെ ലിസ്റ്റുണ്ടായിരുന്നെങ്കിലും കേന്ദ്ര നേതൃത്വത്തിന് പൂര്‍ണമായും വിധേയപ്പെട്ടായിരുന്നു തീരുമാനമെന്ന് ഒരു കോണ്‍ഗ്രസ് നേതാവ് വ്യക്തമാക്കി. ഖാര്‍ഗെ ആദ്യമായാണ് രാജ്യസഭയിലേക്കെത്തുന്നത്.

കൂടുതല്‍ പ്രതിസന്ധികള്‍ക്ക് ഇട നല്‍കാതെ കോണ്‍ഗ്രസ് ജെ.ഡി.എസ് സ്ഥാനാര്‍ത്ഥിയായ മുന്‍ പ്രധാനമന്ത്രി എച്ച്.ഡി ദേവ ഗൗഡയ്ക്ക് പിന്തുണയറിയിക്കുകയും ചെയ്തു. സോണിയാ ഗാന്ധി ആവശ്യപ്പെട്ടത് പ്രകാരമാണ് ഗൗഡയെ രാജ്യസഭയിലേക്കയക്കുന്നതെന്ന് ജെ.ഡി.എസ് നേതാവ് എച്ച്.ഡി കുമാരസ്വാമി കഴിഞ്ഞ ദിവസം അറിയിച്ചിരുന്നു.

1996 ല്‍ പ്രധാനമന്ത്രിയായതിന് ശേഷം ഇതാദ്യമായാണ് ദേവഗൗഡ രാജ്യസഭയിലേക്കെത്തുന്നത്.

Newsdesk

Recent Posts

അയർലണ്ടിൽ ‘ഇസ്ലാമിക് ലേബർ പാർട്ടി’ വിവാദത്തിൽ; ശരിഅത്ത് അധിഷ്ഠിത രാഷ്ട്രീയ പരിഷ്കാരമെന്ന് വെബ്സൈറ്റ്

അയർലണ്ടിൽ 'ഇസ്ലാമിക് ലേബർ പാർട്ടി ഓഫ് അയർലണ്ട്' (Islamic Labour Party of Ireland) എന്ന പേരിൽ പ്രചരിക്കുന്ന രാഷ്ട്രീയ…

2 hours ago

റോണി ഡേവിഡ് രാജ് നായകനാകുന്ന ‘സത്യമേവ’ നവംബർ 27ന് മലയാളം ZEE 5ൽ സ്ട്രീമിംഗ് ആരംഭിക്കും

ദീപു കരുണാകരൻ സംവിധാനം ചെയ്യുന്ന ആറ് എപ്പിസോഡുകളുള്ള കോർട്ട്റൂം ഡ്രാമ 'സത്യമേവ' നവംബർ 27ന് മലയാളം ZEE 5ൽ സ്ട്രീമിംഗ്…

11 hours ago

അയർലണ്ടിൽ First-Time Buyers-ന്റെ ശരാശരി വരുമാനം €82,600 ആയി ഉയർന്നു; ഡബ്ലിനിൽ €1.2 ലക്ഷത്തിന് മുകളിൽ!

അയർലണ്ടിൽ ആദ്യമായി വീട് വാങ്ങുന്നവരുടെ (First-Time Buyers) വരുമാനത്തിൽ വർധന. 2024-ൽ ആദ്യമായി വീട് വാങ്ങിയവരുടെ വ്യക്തിഗത അല്ലെങ്കിൽ സംയുക്ത…

13 hours ago

അയർലണ്ട് മലയാളി എയ്ഞ്ചൽ മേരി ജോർജിന് ഡോക്ടറേറ്റ്

ഡബ്ലിൻ : അയർലണ്ട് മലയാളി എയ്ഞ്ചൽ മേരി ജോർജിന് ഡോക്ടറേറ്റ്. വിഖ്യാതമായ ട്രിനിറ്റി യൂണിവേഴ്സിറ്റിയിൽ നിന്നും ബയോസ്റ്റാറ്റിറ്റി ക്സിലാണ് എയ്ഞ്ചൽ…

15 hours ago

അയർലണ്ടിൽ നഴ്സിങ് നിയമന നിയന്ത്രണത്തിനെതിരെ പ്രതിഷേധം; നഴ്സിങ്, മിഡ്‌വൈഫറി തസ്തികകളിൽ 2,900-ലധികം ഒഴിവ്

അയർലണ്ടിലെ ആരോഗ്യ മേഖലയിലെ നിയമന നിയന്ത്രണങ്ങൾക്കെതിരെ ശക്തമായ പ്രതിഷേധവുമായി നഴ്സിങ് ഡയറക്ടർമാർ. പുതിയ നിയമന നിയന്ത്രണങ്ങൾ സുരക്ഷിതമായ ആരോഗ്യപരിചരണത്തെ ബാധിക്കുമെന്നും…

16 hours ago

ജെയിംസ് ബോണ്ടായി ഇനി റോബർട്ട് പാറ്റിൻസൺ.! 007ന്റെ പുതിയ മുഖത്തെ പ്രഖ്യാപിച്ച് ആമസോൺ

ലോകമെമ്പാടുമുള്ള സിനിമാപ്രേമികൾ ആകാംക്ഷയോടെ കാത്തിരുന്ന പ്രഖ്യാപനം എത്തി. പ്രശസ്ത ബ്രിട്ടീഷ് നടൻ റോബർട്ട് പാറ്റിൻസൺ അടുത്ത ജെയിംസ് ബോണ്ടായി എത്തും.…

22 hours ago