Categories: India

ലോക്ക് ഡൗണില്‍ കൂടുതല്‍ ഇളവുകള്‍ പ്രഖ്യാപിച്ച് കേന്ദ്രസര്‍ക്കാര്‍

ന്യൂദല്‍ഹി: ലോക്ക് ഡൗണില്‍ കൂടുതല്‍ ഇളവുകള്‍ പ്രഖ്യാപിച്ച് കേന്ദ്രസര്‍ക്കാര്‍. ഈറ്റ, തെങ്ങ്, അടയ്ക്ക. കൊക്കോ, സുഗന്ധ വ്യഞ്ജന- തോട്ടം മേഖലകള്‍ക്കാണ് ഇളവുകള്‍ പ്രഖ്യാപിച്ചത്. വിളവെടുപ്പ്, പാക്കിങ്, വില്‍പ്പന എന്നിവയ്ക്ക് ആണ് ഇളവ് അനുവദിച്ചിരിക്കുന്നത്.

ഏപ്രില്‍ 20 മുതല്‍ തോട്ടം മേഖലയെ പൂര്‍ണ്ണമായും ലോക്ക് ഡൗണില്‍ നിന്ന് ഒഴിവാക്കി. എല്ലാ സുഗന്ധവ്യഞ്ജന തോട്ടങ്ങളെയും ഇളവുകളുടെ പട്ടികയില്‍ ഉള്‍പ്പെടുത്തിയിട്ടുണ്ട്. തിങ്കളാഴ്ച മുതല്‍ തെങ്ങിന്‍ തോപ്പുകള്‍ക്കും ലോക്ക് ഡൗണ്‍ ബാധകമല്ല.

വന വനേതര വിഭവങ്ങള്‍ ശേഖരിക്കാന്‍ ആദിവാസി വിഭാഗത്തില്‍പ്പെട്ടവര്‍ക്കും ഇളവ് അനുവദിക്കുന്നുണ്ട്. ബാങ്കിങ് ഇതര ധനകാര്യ സ്ഥാപനങ്ങളില്‍ മിനിമം ജീവനക്കാരെ വെച്ച് പ്രവര്‍ത്തിക്കുന്നതിനുള്ള അനുമതിയും നല്‍കിയിട്ടുണ്ട്.

സഹകരണ സൊസൈറ്റികള്‍ക്ക് തുറന്ന് പ്രവര്‍ത്താം. എന്നാല്‍ മിനിമം ജീവനക്കാര്‍ മാത്രമേ ഉണ്ടാകാന്‍ പാടുള്ളൂവെന്നും കേന്ദ്ര ആഭ്യന്തരമന്ത്രാലയം പുറത്തിറക്കിയ സര്‍ക്കുലറില്‍ പറയുന്നു.

20 ാം തിയതി മുതല്‍ ഹോട്ട് സ്‌പോട്ടുകള്‍ അല്ലാത്ത മേഖലകളിലാണ് ഈ ഇളവ്. കേരളമടക്കമുള്ള നിരവധി സംസ്ഥാനങ്ങള്‍ ഇതേ ആവശ്യവുമായി കേന്ദ്രത്തെ സമീപിച്ചിരുന്നു. അതേസമയം ലോക്ക് ഡൗണ്‍ വിലയിരുത്താന്‍ കേന്ദ്ര ഉപ സമിതി ഇന്ന് ചേരും. കൊവിഡ് പ്രതിസന്ധി നേരിടാന്‍ പുതിയ പാക്കേജ് ആലോചിക്കുന്നതായി കേന്ദ്രസര്‍ക്കാര്‍ അറിയിച്ചു.

അഞ്ച് ലക്ഷം കോടി രൂപയുടെ പാക്കേജാണ് കേന്ദ്രസര്‍ക്കാറിന്റെ പരിഗണനയില്‍ ഉള്ളത് . ആദായനികുതി ഇളവ് നല്‍കുന്ന കാര്യം പരിഗണിക്കും. പാക്കേജ് ആലോചിക്കാന്‍ ധനമന്ത്രാലയ ഉദ്യോഗസ്ഥര്‍ ഇന്നലെ യോഗം ചേര്‍ന്നിരുന്നു.


Newsdesk

Recent Posts

കോർക്കിലും കെറിയിലും നാളെ യെല്ലോ അലേർട്ട്

ശക്തമായ മഴയ്ക്ക് സാധ്യതയുള്ളതിനാൽ കെറി, കോർക്ക് എന്നിവിടങ്ങളിൽ യെല്ലോ അലേർട്ട് നൽകിയിട്ടുണ്ട്. ഞായറാഴ്ച ഉച്ചയ്ക്ക് 2 മണിക്ക് പ്രാബല്യത്തിൽ വരുന്ന…

15 hours ago

എയർബസ് സോഫ്റ്റ്‍വെയർ അപ്ഡേറ്റ്: ആഗോളതലത്തിൽ വിമാന സർവീസുകൾ തടസ്സപ്പെട്ടു

സോഫ്‌റ്റ്‌വെയർ തകരാറിനെ തുടർന്ന് ആഗോള തലത്തിൽ നൂറുകണക്കിന് വിമാന സർവീസുകൾ തടസ്സപ്പെട്ടു. എയർബസ് A320 ശ്രേണിയിലെ വിമാനങ്ങളെയാണ് തകരാർ ബാധിച്ചത്.…

16 hours ago

Uberന്റെ നിശ്ചിത നിരക്കുകൾക്കെതിരെ ഡബ്ലിനിൽ ടാക്സി ഡ്രൈവർമാരുടെ പ്രതിഷേധം

ബുക്കിംഗ് പ്ലാറ്റ്‌ഫോമായ ഉബർ ഉപഭോക്താക്കൾക്ക് നിശ്ചിത നിരക്ക് ഓപ്ഷനുകൾ ഏർപ്പെടുത്തുന്നതിനെതിരെ ടാക്സി ഡ്രൈവർമാരുടെ പ്രതിഷേധം. വ്യാഴാഴ്ച വൈകുന്നേരം നടന്ന പ്രതിഷേധത്തെ…

2 days ago

ഐറിഷ് ലൈഫ് ഹെൽത്ത് പ്രീമിയം നിരക്കുകൾ 5% വർദ്ധിപ്പിക്കും

ഐറിഷ് ലൈഫ് ഹെൽത്ത് ജനുവരി മുതൽ പ്രീമിയം നിരക്കുകൾ ശരാശരി 5% വർദ്ധിപ്പിക്കും. ഇത് അടുത്ത വർഷം പല കുടുംബങ്ങളുടെയും…

2 days ago

സ്റ്റീഫൻ ദേവസി ‘ആട്ടം’ കലാസമിതി സംഗീത പരിപാടി ഡിസംബർ 5ന്.

പിയാനോയിൽ കൈവിരലുകൾ കൊണ്ട് സംഗീതത്തിന്റെ മാന്ത്രിക സ്പർശമൊരുക്കുന്ന പ്രശസ്ത സംഗീത സംവിധായകൻ സ്റ്റീഫൻ ദേവസിയുടെ സോളിഡ് ബാൻഡും, ചെണ്ടയുടെ താളമേളത്തിൽ…

2 days ago

വേൾഡ് മലയാളി കൗൺസിൽ ബെൽഫാസ്റ്റ് പ്രൊവിൻസ് ഉദ്ഘാടനം പ്രൗഢഗംഭീരമായി

ബെൽഫാസ്റ്റ് :വേൾഡ് മലയാളി കൗൺസിൽ ബെൽഫാസ്റ്റ് പ്രൊവിൻസ് പ്രവർത്തനോദ്ഘാടനം പ്രൗഢഗംഭീരമായി നടത്തപ്പെട്ടു. ചെയർമാൻ അനിൽ പോളിന്റെ അധ്യക്ഷതയിൽ, യൂറോപ്പ് റീജിയൻ…

2 days ago