എല്ലാ തലമുറയിലുമുള്ള ഹോണ്ട സിറ്റി മോഡലുകളെ നെഞ്ചിലേറ്റിയിട്ടുണ്ട് ഉപഭോക്താക്കള്. ഇപ്പോഴിതാ അഞ്ചാം തലമുറ ഹോണ്ട സിറ്റിയും വിപണിയിലെത്തുന്നു. ആഡംബര കാറുകളോട് കിടപിടിക്കുന്ന പ്രീമിയം ഫീച്ചറുകളുമായി ഇറങ്ങുന്ന പുതുപുത്തന് ഹോണ്ട സിറ്റി അടുത്ത മാസം വിപണിയിലെത്തും.
പഴയ മോഡലിനെ അപേക്ഷിച്ച് വലുതും കരുത്ത് കൂടിയതും നിരവധി പുതിയ ഫീച്ചറുകള് സമന്വയിപ്പിച്ചതുമാണ് പുതിയ ഹോണ്ട സിറ്റി. ഇതിന്റെ അഞ്ച് പുതിയ പ്രത്യേകതകള് അറിയാം:
വാഹനപ്രേമികളെ കൊതിപ്പിക്കുന്ന ഫീച്ചഴേസ് ആണ് ഇതിന്റെ ഏറ്റവും വലിയ സവിശേഷത. അലക്സ റിമോട്ട് കേപ്പബിലിറ്റിയുള്ള ഇന്ത്യയിലെ ആദ്യവാഹനമാണ് പുതിയ ഹോണ്ട സിറ്റിയെന്ന് കമ്പനി പറയുന്നു. ഏഴിഞ്ച് സ്ക്രീനോട് കൂടിയ സെമി ഡിജിറ്റല് ഇന്സ്ട്രമെന്റ് ക്ലസ്റ്റര്, ടയര് പ്രഷര് മോണിറ്റര്, ഇലക്ട്രോണിക് സ്റ്റെബിലിറ്റി കണ്ട്രോള്, ഹില് സ്റ്റാര്ട്ട് അസിസ്റ്റ്, കണക്റ്റഡ് കാര് ടെക്നോളജി… തുടങ്ങി നിരവധി സവിശേഷതകളുണ്ട്. കൂടാതെ ക്ലൈമറ്റ് കണ്ട്രോള്, ക്രൂയ്സ് കണ്ട്രോള്, സണ്റൂഫ്, ഓട്ടോ ഡിമ്മിംഗ് എന്നിവയും ഉള്ക്കൊള്ളിച്ചിട്ടുണ്ട്. സുരക്ഷയ്ക്കായി ആറ് എയര്ബാഗുകളും ഇബിഡിയോട് കൂടിയ എബിഎസും കാമറയോട് കൂടിയ റെയര് പാര്ക്കിംഗ് സെന്സറുകളുമുണ്ട്.
ബിഎസ് ആറ് മാനദണ്ഡങ്ങള് പാലിക്കുന്ന 1.5 ലിറ്റര് പെട്രോള്, ഡീസല് എന്ജിനുകളാണ് ഇതിലുള്ളത്. 121 ബിഎച്ച്പി കരുത്തുള്ള പെട്രോള് എന്ജിനൊപ്പം ആറ് സ്പീഡ് മാനുവല് ഗിയര്ബോക്സും സിവിടി ഓട്ടോമാറ്റിക് ഗിയര് ബോക്സുമുണ്ട്. 100 ബിഎച്ച്പി കരുത്താണ് ഡീസല് എന്ജിനുള്ളത്. ഇതില് ആറ് സ്പീഡ് മാനുവല് ഗിയര് ബോക്സ് മാത്രമേ ഉണ്ടാവൂ.
പ്രീമിയം ഇന്റീരിയറാണ് പുതിയ ഹോണ്ട സിറ്റിയുടെ മറ്റൊരു പ്രത്യേകത. പുതിയ ഡാഷ്ബോര്ഡാണ്. പുതിയ 3 സ്പോക്ക് സ്റ്റിയറിംഗ് വീല്, ലെതര് അപ്ഹോള്സ്റ്ററി എന്നിവ ആഡംബരഭാവം പകരുന്നു. ഇന്റീരിയറില് മിനിമലിസ്റ്റിക് ശൈലിയാണ് സ്വീകരിച്ചിരിക്കുന്നത്.
ഈ വിഭാഗത്തിലെ ഏറ്റവും വലിയ കാറുകളിലൊന്നായിരുന്നു നേരത്തെ മുതല് ഹോണ്ട സിറ്റി. വീണ്ടും വലുപ്പം കൂട്ടിയിട്ടുണ്ട്. നാലാം തലമുറയെക്കാള് നീളവും വീതിയും കൂടുതലുണ്ട്. ഉയരത്തില് മാത്രം ചെറിയ കുറവുണ്ടെങ്കിലും അത് ക്യാബിനില് പ്രതിഫലിക്കുന്നില്ല. പഴയ മോഡലിന്റെ നീളം 4440 മിമി ആയിരുന്നെങ്കില് പുതിയതിന്റെ നീളം 4549 മിമി ആണ്. പഴയ മോഡലിന്റെ വീതി 1695 ആയിരുന്നെങ്കില് ഇപ്പോഴത്തെ മോഡലിന്റെ വീതി 1748 മിമി ആയി. 2600 മിമി ആണ് വീല് ബേസ്.
പ്രതീക്ഷിക്കുന്ന ആരംഭവില 11 ലക്ഷം രൂപയാണ്. ഫോക്സ് വാഗണ് വെന്റോ, ഹ്യുണ്ടായ് വെര്ണ്ണ, സ്കോഡ റാപ്പിഡ്, മാരുതി സുസുക്കി സിയാസ്, ടൊയോട്ട യാരിസ് തുടങ്ങിയ മോഡലുകളായിരിക്കും പുതിയ ഹോണ്ട സിറ്റിയുടെ പ്രധാന എതിരാളികള്.
പുതിയ നിയന്ത്രണങ്ങൾ പ്രകാരം ഡ്രൈവിംഗ് ലൈസൻസ് റദ്ദാക്കാൻ സാധ്യതയുള്ള അഞ്ച് മെഡിക്കൽ അവസ്ഥകളെക്കുറിച്ച് അയർലണ്ടിലെമ്പാടുമുള്ള വാഹന ഉടമകൾക്ക് മുന്നറിയിപ്പ് നൽകിയിട്ടുണ്ട്.…
ടെക്സസ്: അമേരിക്കയിലെ ടെക്സസിൽ തുടരുന്ന അതിശൈത്യത്തിനിടെ ദാരുണമായ അപകടം. ഐസ് മൂടിയ കുളത്തിൽ വീണ് മൂന്ന് സഹോദരങ്ങൾ മരിച്ചു. പ്രദേശത്ത്…
കാലിഫോർണിയ:കാലിഫോർണിയയിൽ മനുഷ്യക്കടത്തും ലൈംഗിക ചൂഷണവും തടയുന്നതിനായി നടത്തിയ ശക്തമായ പരിശോധനയിൽ (ഓപ്പറേഷൻ 'സ്റ്റാൻഡ് ഓൺ ഡിമാൻഡ്') 120 പേർ അറസ്റ്റിലായി.…
ഒക്ലഹോമ: ഒക്ലഹോമയിൽ നിലനിൽക്കുന്ന രൂക്ഷമായ അധ്യാപക ക്ഷാമം നേരിടാൻ 'എമർജൻസി സർട്ടിഫൈഡ്' അധ്യാപകരുടെ എണ്ണം വർധിപ്പിക്കുന്നു. കഴിഞ്ഞ അഞ്ച് വർഷത്തിനിടെ…
ഓസ്റ്റിൻ (ടെക്സസ്): ടെക്സസിലെ സർക്കാർ ഏജൻസികളും പൊതു സർവ്വകലാശാലകളും പുതിയ എച്ച്-1ബി (H-1B) വിസ അപേക്ഷകൾ നൽകുന്നത് തടഞ്ഞുകൊണ്ട് ഗവർണർ…
അമേരിക്കൻ പൗരത്വമുണ്ടായിട്ടും അഞ്ചുവയസ്സുകാരി ജെനസിസ് എസ്റ്റർ ഗുട്ടറസ് കാസ്റ്റെല്ലാനോസിനെ മാതാവിനോടൊപ്പം ഹോണ്ടുറാസിലേക്ക് നാടുകടത്തി. ഡൊണാൾഡ് ട്രംപ് ഭരണകൂടം നടപ്പിലാക്കുന്ന കർശനമായ…