കർഷകർക്ക് വെല്ലുവിളിയായി തലസ്ഥാനത്ത് കടുത്ത ശൈത്യവും മഴയും

ന്യൂ ഡൽഹി: കർഷകർക്ക് വെല്ലുവിളിയായി തലസ്ഥാനത്തു കനത്ത മഴയും. തെരുവിൽ ടെന്റ് കെട്ടി ഇരിക്കുകയാണ് കർഷകർ. ഇന്നലെ സമരത്തിനെത്തിയ 3 കശ്കർ കൂടി മരിച്ചു.2 മരണങ്ങൾ ഹൃദയാഘതവും പനിയും മൂലമാണ്.പോസ്റ്റ്മാർട്ടം കഴിഞ്ഞ ശേഷമേ മൂന്നാമത്തെ മരണത്തെ കുറിച്ച് വ്യക്തത വരുത്താൻ കഴിയുള്ളു എന്ന് പോലീസ് വ്യക്തമാക്കി.

ഇതോടുകൂടി കർഷക സമരത്തിൽ പങ്കെടുത്ത അമ്പതോളം കർഷകർ മരിച്ചതായാണ് റിപ്പോർട്ട്. ഡൽഹിയിലും അതിർത്തി പ്രദേശങ്ങളിലും കടുത്ത ശൈത്യവും മഴയും തുടരുകയാണ്. ടെന്റുകളിൽ വെള്ളം കയറി കർഷകരുടെ വിറകു ശേഖരണവും കമ്പിളിപ്പുതപ്പും മഴവെള്ളത്തിൽ കുതിർന്നിരിക്കുകയാണ്.

കേന്ദ്ര നിയമങ്ങൾ പിൻവലിക്കാതെ പുറകോട്ടില്ലെന്ന ഉറച്ച നിലപാടിലാണ് കർഷകർ. അതേസമയം, കേന്ദ്രസർക്കാരുമായുള്ള ഇന്നത്തെ ചർച്ച പരാജയപ്പെട്ടാൽ റിപ്പബ്ലിക് ദിനത്തിൽ ട്രാക്ടർ പരേഡ് സംഘടിപ്പിക്കാൻ കർഷകസംഘടനകൾ ഒരുക്കം തുടങ്ങിയതായാണ് റിപ്പോർട്ട്.