ഈജിപ്തിൽ വെള്ളിയാഴ്ച രണ്ട് ട്രെയിനുകൾ കൂട്ടിയിടിച്ച് 32 പേർ കൊല്ലപ്പെട്ടു; 165 പേർക്ക് പരിക്കേൽക്കുകയും ചെയ്തു

കെയ്‌റോ: ഈജിപ്തിൽ വെള്ളിയാഴ്ച രണ്ട് ട്രെയിനുകൾ കൂട്ടിയിടിച്ച് 32 പേർ കൊല്ലപ്പെടുകയും 165 പേർക്ക് പരിക്കേൽക്കുകയും ചെയ്തതായി റിപ്പോർട്ട്.തലസ്ഥാനമായ കെയ്‌റോയിൽ നിന്ന് അപ്പർ ഈജിപ്റ്റ് ഗവർണറേറ്റ് സൊഹാഗിലെ തഹ്ത ജില്ലയിൽ നടന്ന സംഭവത്തിൽ മെഡിക്കൽ സംഘങ്ങളെ അയച്ചതായി ആരോഗ്യ മന്ത്രാലയം അറിയിച്ചു.

പരിക്കേറ്റവരെ ചികിത്സിക്കുന്നതിനായി വിവിധ മെഡിക്കൽ സ്‌പെഷ്യാലിറ്റികളിൽ നിന്ന് 52 ​​മെഡിക്കൽ ടീമുകളുമായി കെയ്‌റോയിൽ നിന്ന് രണ്ട് വിമാനങ്ങൾ അയച്ചതായി ആരോഗ്യമന്ത്രി ഹാല സായിദ് വാർത്താ സമ്മേളനത്തിൽ പറഞ്ഞു.

അജ്ഞാതനായ ഒരാൾ അടിയന്തര ബ്രേക്ക് വലിച്ചതിന് ശേഷമാണ് കൂട്ടിയിടിച്ചതെന്ന് ഈജിപ്തിന്റെ റെയിൽവേ അതോറിറ്റി പ്രസ്താവനയിൽ പറഞ്ഞു. അശ്വനിൽ നിന്ന് കെയ്‌റോയിലേക്ക് പോകുന്ന ട്രെയിൻ ലക്‌സറിൽ നിന്ന് അലക്സാണ്ട്രിയയിലേക്ക് പോകുന്ന ട്രെയിനിന്റെ പിൻഭാഗത്ത് ഇടിക്കുകയായിരുന്നു. അടിയന്തര ബ്രേക്ക് സജീവമായതിനെ തുടർന്ന് റെയിൽവേ ലൈനിൽ കുടുങ്ങുകയായിരുന്നു.