മന്ത്രി ശൈലജയെ തേടി വീണ്ടുംഅന്താരാഷ്ട്ര അംഗീകാരം

തിരുവനന്തപുരം: ആരോഗ്യ പ്രവര്‍ത്തനത്തിലും മറ്റും മന്ത്രി എന്ന നിലയിലും ഒരു രാഷ്ട്രീയ വ്യക്തി എന്ന നിലയിലും ഊര്‍ജ്ജത്തോടെ പ്രവര്‍ത്തിച്ച കെ.കെ. ശൈലജടടീച്ചര്‍ക്ക് മുന്‍പും പ്രവര്‍ത്തനങ്ങള്‍ക്ക് അന്താരാഷ്ട്ര അംഗീകാരം ലഭിച്ചിരുന്നു. രാഷ്ട്രീയ-മത ചിന്തകളൊന്നുമില്ലാതെ പ്രവര്‍ത്തിച്ച മനുഷ്യസ്‌നേഹി എന്ന നിലയില്‍ വോഗ് മാഗസിന്റെ മുഖചിത്രമായി പോലും ശൈലജടീച്ചര്‍ അന്താരാഷ്ട്ര പ്രശസ്തി നേടിയതാണ്.

ഇപ്പോഴിതാ പ്രമുഖ അന്താരാഷ്ട്ര മാസികയായ ഫിനാന്‍ഷ്യല്‍ ടൈംസിന്റെ 2020 ലെ ലോകത്തെ ഏറ്റവും സ്വാധീനമുള്ള സ്ത്രീകളുടെ കൂട്ടത്തിലാണ് മന്ത്രി ശൈലടീച്ചറും തിരഞ്ഞെടുക്കപ്പെട്ടത്. കമലാഹാരിസ്, ആംഗേല മെര്‍ക്കല്‍, ജസിന്‍ഡ ആര്‍ഡെണ്‍, സ്റ്റേസി അംബ്രോസ് എന്നിവര്‍ക്കൊപ്പമാണ് കെ.കെ.ശൈലജയെയും വായനക്കാര്‍ തിരഞ്ഞെടുത്തത്.