ലായ് ചിംഗ് തേ പുതിയ തായ്‌വാൻ പ്രസിഡന്റ്

തായ്‌വാനിലെ പ്രസിഡന്റായി ഭരണകക്ഷി സ്ഥാനാർത്ഥി ലായ് ചിംഗ്-തേ തെരഞ്ഞെടുക്കപ്പെട്ടു. പ്രധാന പ്രതിപക്ഷ പാർട്ടിയായ കുമിന്റാങ്ങിന്റെ (കെഎംടി) സ്ഥാനാർത്ഥി ഹൂ യു-ഇഹിനെയാണ് ലായ് ചിംഗ്-തേ പരാജയപ്പെടുത്തിയത്. തായ്‌വാനിൽ ഇത് മൂന്നാം തവണയാണ് ഡെമോക്രാറ്റിക് പ്രോഗ്രസീവ് പാർട്ടി അധികാരത്തിലെത്തുന്നത്. ചൈനയുമായും അമേരിക്കയുമായുള്ള തായ്‌വാൻ ബന്ധത്തിന്റെ ഭാവി നിർണ്ണയിക്കുന്ന തിരെഞ്ഞെടുപ്പാണ് നടന്നത്. ഡെമോക്രറ്റിക് പ്രോഗ്രസീവ് പാർട്ടി, തായ്‌വാൻ പീപ്പിൾസ് പാർട്ടി , കൊമിൻതാങ്ങ് എന്നിവരാണ് തെരഞ്ഞെടുപ്പിൽ പ്രധാനമായും മത്സരിച്ചത്.

19 ദശലക്ഷത്തിലധികം വോട്ടർമാർ തെരഞ്ഞെടുപ്പിൽ വോട്ട് രേഖപ്പെടുത്തി. വോട്ടെണ്ണലിന്റെ പ്രാരംഭ ഘട്ടത്തിൽ തന്നെ ലായ് ചിംഗ്തേ വ്യക്തമായ ലീഡ് നേടിയിരുന്നു. വൈകുന്നേരം 4 മണിക്ക് വോട്ടെടുപ്പ് അവസാനിച്ചപ്പോൾ ലായ് മൂന്ന് ദശലക്ഷത്തിലധികം വോട്ടുകൾ നേടി മുന്നിലെത്തി. 2020 മുതൽ തായ്‌വാനിലെ വൈസ് പ്രസിഡന്റായിരുന്നു ലായ്. ലായുടെ പാർട്ടിയായ ഡെമോക്രാറ്റിക് പ്രോഗ്രസീവ് പാർട്ടി ചൈനയുടെ പ്രാദേശിക അവകാശവാദങ്ങൾ പരസ്യമായി നിരസിക്കുകയും തായ്‌വാന്റെ പ്രത്യേക സ്വത്വത്തിനായി വാദിക്കുകയും ചെയ്തിരുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb