ചാറ്റ് ജി.പി.ടി.നിർമാണക്കമ്പനിയായ ഓപ്പൺ എ.ഐ.യുടെ സി.ഇ.ഒ. സ്ഥാനത്തുനിന്ന് സാം ഓൾട്ട്മാനെ പുറത്താക്കി. പിന്നാലെ സഹസ്ഥാപകൻ ഗ്രെഗ് ബ്രോക്ക്മാൻ രാജിവയ്ക്കുകയും ചെയ്തു. ഓപ്പൺ എ.ഐ.യെ മുന്നോട്ടുനയിക്കാൻ സാമിന് കഴിയില്ലെന്ന് കണ്ടെത്തിയാണ് സി.ഇ.ഒ. സ്ഥാനത്തുനിന്ന് പുറത്താക്കിയതെന്ന് കമ്പനി അറിയിച്ചു. ബോർഡുമായുള്ള ആശയവിനിമയത്തിൽ സാം സ്ഥിരത പുലർത്തിയിരുന്നില്ലെന്നും കമ്പനിക്ക് സാമിലുള്ള വിശ്വാസം നഷ്ടപ്പെട്ടെന്നുമാണ് ഔദ്യോഗിക വിശദീകരണം. കമ്പനിയെ നയിക്കാനുള്ള അദ്ദേഹത്തിന്റെ കഴിവിൽ വിശ്വാസം നഷ്ടമായതും സിഇഒ സാം ആൾട്ട്മാനെ പുറത്താക്കാനുള്ള കാരണമായി ഓപ്പൺഎഐ ചൂണ്ടിക്കാണിക്കുന്നു.
പിരിച്ചുവിടൽ നടപടിയെ തുടർന്ന് സഹസ്ഥാപകൻ ഗ്രെഗ് ബ്രോക്ക്മാനും രാജിവെച്ചു. ‘ഓപ്പൺ എഐയിൽ ചിലവഴിച്ച എന്റെ സമയം ഞാൻ ഇഷ്ടപ്പെട്ടിരുന്നു. വ്യക്തിപരമായി അത് എന്നിൽ പരിവർത്തനങ്ങളുണ്ടാക്കിയിട്ടുണ്ട്. അതിനേക്കാൾ എല്ലാം ഉപരി, ഇങ്ങനെയുള്ള കഴിവുള്ള ആളുകൾക്കൊപ്പം ജോലി ചെയ്യാൻ എനിക്ക് ഇഷ്ടമാണ്. അടുത്തതെന്ത് എന്ന് പിന്നീട് കുറേ പറയാനുണ്ട്.’ സാം ഓൾട്ട്മാൻ പറഞ്ഞു. എട്ട് വർഷങ്ങൾക്ക് മുമ്പ് എന്റെ അപ്പാർട്ട്മെന്റിൽ നിന്ന് തുടങ്ങിയ ഞങ്ങൾ നിർമിച്ചെടുത്തതിലെല്ലാം എനിക്ക് ഏറെ അഭിമാനമുണ്ട്. ദുഷ്കരവും മികച്ചതുമായ സമയങ്ങളിലൂടെ ഞങ്ങൾ ഒന്നിച്ച് കടന്നുപോയി. അസാധ്യമാവാനുള്ള കാരണങ്ങളേറെ ഉണ്ടായിട്ടും ഞങ്ങൾ ഏറെ കാര്യങ്ങൾ ചെയ്തു.എന്നാൽ ഇന്നത്തെ വാർത്തയുടെ അടിസ്ഥാനത്തിൽ ഞാൻ രാജിവെക്കുകയാണ്.- ഗ്രെഗ് ബ്രോക്ക്മാൻ പറഞ്ഞു.
2015 ഡിസംബറിലാണ് സാം ഓൾട്ട്മാൻ, ഗ്രെഗ് ബ്രോക്ക്മാൻ, റെയ്ഡ് ഹോഫ്മാൻ, ജെസിക്ക ലിവിങ്സ്റ്റൺ, പീറ്റർ തിയേൽ, ഇലോൺ മസ്ക്, ഇല്യ സുറ്റ്വർ, ട്രെവർ ബ്ലാക്ക് വെൽ, വിക്കി ചെങ് ആൻഡ്രേ കാർപതി, ഡർക്ക് കിങ്, ജോൺ ഷുൾമാൻ, പമേല വഗാറ്റ, വൊസേക്ക് സറെംബ എന്നിവർ ചേർന്ന് ഓപ്പൺ എഐയ്ക്ക് തുടക്കമിട്ടത്. 2019 മുതൽ കമ്പനിയിലെ പ്രധാന നിക്ഷേപകർ മൈക്രോസോഫ്റ്റാണ്. കമ്പനി ചീഫ് ടെക്നോളജി ഓഫീസറായ മിറ മൊറാട്ടിയെ താത്കാലിക സി.ഇ.ഒ. ആയി നിയമിച്ചതായി ഓപ്പൺ എ.ഐ. അറിയിച്ചു. സ്ഥിരം സി.ഇ.ഒ.യെ നിയമിക്കുന്നതുവരെ മിറ സ്ഥാനത്ത് തുടരും.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
സമ്പത്തിലും, പ്രൗഢിയിലും മുമ്പന്തിയിൽ നിൽക്കുന്ന ചില കുടുംബങ്ങളിൽ പൊതുവേ കാണപ്പെടുന്ന ഒരു കാര്യമുണ്ട്. ഇവരുടെയൊക്കെ തറവാടുകളുടെ അധമ മൂലയിൽ ആരും…
യൂറോപ്യൻ രാജ്യങ്ങളിലെ രാഷ്ട്രത്തലവന്മാരും സർക്കാർ മേധാവികളും പങ്കെടുക്കുന്ന നിർണായക ഉച്ചകോടികൾക്ക് മുന്നോടിയായി ഡബ്ലിനിൽ വൻ ഗതാഗത നിയന്ത്രണങ്ങൾ ഏർപ്പെടുത്തുന്നു. നവംബർ…
പോർച്ചുഗീസ് ജെഴ്‌സിയിൽ ഇനി ക്രിസ്റ്റ്യാനൊ റൊണാൾഡോയുടെ കളിയഴകുണ്ടാകില്ല. 23 വർഷത്തെ കരിയറിന് വിരാമമിടുകയാണെന്ന് താരം അറിയിച്ചു. ഇൻസ്റ്റഗ്രാമിൽ പങ്കുവെച്ച വീഡിയോയിലൂടെയാണ്…
അയർലണ്ടിലെ പ്രമുഖ ബാങ്കുകളിലൊന്നായ ബാങ്ക് ഓഫ് അയർലണ്ടിന്റെ ഡിജിറ്റൽ ബാങ്കിങ് സേവനങ്ങളിൽ ഇന്ന് (നവംബർ 5) അപ്രതീക്ഷിത സാങ്കേതിക തടസ്സം.…
അയർലണ്ടിൽ 2027 അധ്യയന വർഷത്തിൽ യൂണിവേഴ്സിറ്റികളിലും ഉന്നത വിദ്യാഭ്യാസ സ്ഥാപനങ്ങളിലും ബിരുദ കോഴ്സുകൾക്ക് പ്രവേശനം ആഗ്രഹിക്കുന്ന വിദ്യാർഥികൾക്കായുള്ള CAO (Central…
സൈക്കോ പാക്ക് ജോണറിൽ , വിഷ്‌ണു വെഞ്ഞാറമൂട് സംവിധാനം ചെയ്യുന്ന രാഷസ വേട്ട എന്ന ചിത്രത്തിൻ്റെ ചിത്രീകരണം പൂർത്തിയായി.തുടക്കം മുതൽ…