പാലക്കാട്ടിൽ ഗ്യാസ് ടാങ്കറും ലോറിയും കൂട്ടിയിടിച്ചു; ആളപായമില്ല

പാലക്കാട് തച്ചംപാറ ദേശീയപാതയിൽ ഗ്യാസ് ടാങ്കറും ലോറിയും കൂട്ടിയിടിച്ച് ചരക്കുലോറി പൂർണമായും കത്തിനശിച്ചു. ഇന്ന് പുലർച്ചെയാണ് അപകടം സംഭവിച്ചത്. ആളപായമില്ല. അപകട കാരണത്തെപ്പറ്റി ഇതുവരെ വ്യക്തമല്ല. തീ ഗ്യാസ് ടാങ്കറിലേക്ക്ക് പടരാതിരുന്നതിനാൽ വൻ ദുരന്തമാണ് ഒഴിവായത്.

ഡ്രൈവർ ഉറങ്ങിപ്പോയതാവാമെന്നാണ് പ്രാധമിക നിഗമനം. നാട്ടുകാരും ഫയർഫോഴ്സും ചേർന്ന് ഏറെ നേരം കൊണ്ടാണ് തീ അണച്ചത്. ഗ്യാസ് ടാങ്കറിൽ ചോർച്ചയുണ്ടോ എന്ന് പരിശോധിക്കുകയാണ്.