പൊലീസിനെതിരായ സി.എ.ജി റിപ്പോർട്ടിലെ പരാമർശങ്ങൾ പരിശോധിച്ച് റിപ്പോർട്ട് വേണമെന്ന് മുഖ്യമന്ത്രി

തിരുവനന്തപുരം: കേരളാ പൊലീസിനെതിരായ സി.എ.ജി റിപ്പോർട്ടിലെ പരാമർശങ്ങൾ പരിശോധിച്ച് റിപ്പോർട്ട് നൽകാൻ ആഭ്യന്തര സെക്രട്ടറിക്ക് മുഖ്യമന്ത്രിയുടെ നിർദേശം. എത്രയും വേഗം പരിശോധന നടത്തി റിപ്പോർട്ട് സമർപ്പിക്കാനാണ് മുഖ്യമന്ത്രി പിണറായി വിജയൻ നിർദേശം നൽകിയത്. പൊലീസ് സേനക്കും ഡി.ജി.പിക്കും എതിരെ വലിയ ആരോപണങ്ങളാണ് പുറത്തുവരുന്നത്. ച​ട്ട​ങ്ങ​ൾ ലം​ഘി​ച്ച്​ പൊ​ലീ​സി​ന്​ 1.10 കോ​ടി​യി​ല​ധി​കം വി​ല​യു​ള്ള ബു​ള്ള​റ്റ് പ്രൂ​ഫ് കാ​റു​ക​ൾ വാ​ങ്ങാ​നു​ള്ള ഡി.​ജി.​പി​യു​ടെ ഉ​ത്ത​ര​വ് വിവാദത്തിന് വഴിവെച്ചിരുന്നു.

ടെ​ൻ​ഡ​ർ വി​ളി​ക്കാ​തെ ച​ട്ട​ങ്ങ​ൾ ലം​ഘി​ച്ചാ​ണ്​ ഹി​ന്ദു​സ്ഥാ​ൻ മോ​േ​ട്ട​ഴ്​​സി​ൽ​ നി​ന്ന് മി​റ്റ്സു​ബി​ഷി പ​ജേ​റോ സ്പോ​ർ​ട്സ് വാ​ഹ​നങ്ങ​ൾ വാ​ങ്ങാ​ൻ ഡി.​ജി.​പി ലോ​ക്​​നാ​ഥ്​ ബെ​ഹ്​​റ ഉ​ത്ത​ര​വിട്ടതെന്നാണ് പ്രധാന ആരോപണം. ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​ക്കാ​തെ​യു​ള്ള ഡി.​ജി.​പി​യു​ടെ ന​ട​പ​ടി സാ​ധൂ​ക​രി​ച്ച്​ പി​ന്നീ​ട്​ ആ​ഭ്യ​ന്ത​ര​ വ​കു​പ്പും​ ഉ​ത്ത​ര​വ് പു​റ​ത്തി​റ​ക്കിരുന്നു.കെൽട്രോണിനെ ഏൽപ്പിച്ചിരുന്ന പൊലീസിന്‍റെ സിംസ് പദ്ധതിയിലും ക്രമക്കേട് നടന്നുവെന്ന് സി.എ.ജി റിപ്പോർട്ടിൽ വ്യക്തമാക്കിയിരുന്നു. മോഷണവും മറ്റും തടയാൻ സ്വകാര്യ സ്ഥാപനങ്ങളിൽ സി.സി. ടി.വികളും സെർവറുകളും സ്ഥാപിച്ച് പൊലീസ് ആസ്ഥാനത്തെ കൺട്രോൾ റൂമിലിരുന്ന് നിരീക്ഷിക്കുന്ന പദ്ധതിയാണ് സിംസ്. പദ്ധതി നടത്തിപ്പ് കെൽട്രോണിനാണെന്നായിരുന്നു സർക്കാർ നേരത്തെ പറഞ്ഞിരുന്നത്.

എന്നാൽ, ഗാലക്സോൺ ഇന്‍റർനാഷണൽ എന്ന കമ്പനിക്ക് നടത്തിപ്പ് ചുമതല നൽകിയെന്നാണ് ഇപ്പോൾ പുറത്തു വന്നിരിക്കുന്നത്. മാത്രമല്ല, സാങ്കേതിക പിന്തുണക്ക് സ്വകാര്യ കമ്പനി പ്രതിനിധിയെ പൊലീസ് കൺട്രോൾ റൂമിൽ അനുവദിക്കുകയും ചെയ്തിട്ടുണ്ട്. ലക്ഷങ്ങൾ വിലയുള്ള ഉപകരണങ്ങൾ കമ്പനികളിൽ സ്ഥാപിക്കുന്നതും ഫീസ് വാങ്ങുന്നതും ഈ കമ്പനിയാണെന്നാണ് റിപ്പോർട്ട്.