വൈറ്റില, കുണ്ടന്നൂർ മേൽപ്പാലങ്ങൾ നാടിന് സമർപ്പിച്ച് മുഖ്യമന്ത്രി പിണറായി വിജയൻ

കൊച്ചി: വൈറ്റില, കുണ്ടന്നൂർ മേൽപ്പാലങ്ങൾ നാടിന് സമർപ്പിച്ച് മുഖ്യമന്ത്രി പിണറായി വിജയൻ. കുണ്ടന്നൂർ മേൽപ്പാലം 11 മണിക്കാണ് തുറന്നു നൽകും. സംസ്ഥാന സർക്കാർ കിഫ്ബി വഴിയാണ് ദേശീയപാതയുടെ ഭാഗമായി വരുന്ന വൈറ്റില-കുണ്ടന്നൂർ മേല്‍പ്പാലങ്ങള്‍ക്ക് പണം കണ്ടെത്തി നല്‍കുന്നത്.

ദേശീയ പാതയുടെ വികസനത്തിലും നഗരത്തിലെ ഗതാഗതക്കുരുക്ക് പരിഹരിക്കുന്നതിലും ഈ രണ്ട് പാലങ്ങൾ പ്രാബല്യത്തിൽ വരുന്നതോടെ സാധിക്കുമെന്ന് മുഖ്യമന്ത്രി ഉദ്ഘാടന പ്രസംഗത്തിൽ വ്യക്തമാക്കി. നിരവധി പ്രതിസന്ധികളുണ്ടായിട്ടു കൂടി വളരെ വേഗത്തിൽ തന്നെ പാലങ്ങളുടെ പണി പൂർത്തീകരിക്കാൻ സർക്കാരിനു സാധിച്ചുവെന്നും, ഇത് അഭിമാനാർഹമായ നേട്ടമാണെന്നും മുഖ്യമന്ത്രി കൂട്ടിച്ചേർത്തു.