ആശുപത്രിയിൽ വൻ തീപിടുത്തം :10 നവജാതശിശുക്കൾ വെന്തുമരിച്ചു

മഹാരാഷ്ട്ര : ഇന്ത്യയെ തന്നെ ഞെട്ടി വിറപ്പിച്ചു കൊണ്ട് വൻ ദുരന്തം ഇന്ന് പുലർച്ചെ സംഭവിച്ചു . മഹാരാഷ്ട്ര  സംസ്ഥാനത്തെ ബാന്ദ്രയിലെ ജില്ലാ ജനറൽ ആശുപത്രിയിൽ ഇന്ന് പുലർച്ചെ വൻ തീപിടിത്തം ഉണ്ടായി.

ആശുപത്രിയുടെ സിക് ന്യൂ ബോൺ കെയർ യൂണിറ്റിൽ ആണ് തീപിടുത്തത്തിൽ  അപകടമുണ്ടായത്. അതോടെ അപകടത്തിൽ അതിൽ ചികിത്സയിലിരുന്ന 10 നവജാതശിശുക്കൾ വെന്തുമരിച്ചു.

പ്രാഥമികമായ അന്വേഷണത്തിൽ അപകടകാരണം വ്യക്തമായില്ല. പോലീസ് ശക്തമായ അന്വേഷണം നടത്തുന്നു.  തീപിടുത്തമുണ്ടായ നിമിഷത്തിൽ തന്നെ സജീവമായ രക്ഷാ പ്രവർത്തനങ്ങൾ നടത്തി നിരവധി കുഞ്ഞുങ്ങളെ രക്ഷപ്പെടുത്തി എങ്കിലും പത്ത് കുഞ്ഞുങ്ങൾ വിധിയുടെ പിടിയിലമർന്നുവെന്ന്  ആശുപത്രി സിവിൽ സർജൻ പ്രമോദ് ഖാൻഡറ്റെ വെളിപ്പെടുത്തി.

വളരെ ദയനീയമായ ഈ ദുരന്തവാർത്ത കേട്ട് നടുക്കത്തോടെയാണ് മഹാരാഷ്ട്ര ഇന്ന് ഉണർന്നത്. സമൂഹത്തിൻറെ നാനാതുറകളിലുള്ളവർ ദയനീയമായി ഈ ദുരന്തത്തെ അപലപിച്ചു.  മനസാക്ഷിയെ അലോസരപ്പെടുത്തുന്ന ഏറ്റവും സങ്കടകരമായ  ദുരന്തമായിരുന്നു സംഭവിച്ചതെന്ന്  മഹാരാഷ്ട്ര മുഖ്യമന്ത്രി വെളിപ്പെടുത്തി.