തിരുവനന്തപുരം: സംസ്ഥാനത്ത് പൊലീസ് നിര്മ്മിക്കുന്ന വീഡിയോകള്ക്ക് നിയന്ത്രണമേര്പ്പെടുത്തി ഡി.ജി.പി ലോക്നാഥ് ബെഹ്റ. ഡി.ജി.പിയുടെയോ പൊലീസ് ആസ്ഥാനം എ.ഡി.ജി.പിയുടെയോ അനുമതിയില്ലാതെ വീഡിയോകള് നിര്മ്മിക്കരുതെന്നാണ് ഉത്തരവ്. ഉദ്യോഗസ്ഥര് കൊവിഡ് പശ്ചാത്തലത്തില് സ്വന്തം നിലയില് വീഡിയോകള് നിര്മ്മിക്കുന്ന സാഹചര്യത്തിലാണ് നിയന്ത്രണം ഏര്പ്പെടുത്തിയിരിക്കുന്നത്.
മാധ്യമങ്ങളോ പൊതുജനങ്ങളോ പൊലീസ് ചെയ്യുന്ന നല്ല കാര്യങ്ങളുടെ വീഡിയോ ചെയ്യുകയാണെങ്കില് വകുപ്പ് മേധാവിയുടെ അനുമതിയോടുകൂടി എഡിറ്റ് ചെയ്ത് ഉപയോഗിക്കാം. ഉദ്യോഗസ്ഥര് സ്വന്തം നിലയില് വീഡിയോ നിര്മ്മിക്കാന് പാടില്ല. അവശ്യഘട്ടം വന്നാല് ഡി.ജി.പിയുടേയോ പൊലീസ് ആസ്ഥാനത്തെ എ.ഡി.ജി.പിയുടെയോ അനുമതിയോടുകൂടി ഇത്തരം ചിത്രീകരണങ്ങള് നടത്താം.
പൊലീസിന്റെ കലാ പ്രകടനങ്ങളുടെ വീഡിയോകളും നിര്മ്മിക്കരുതെന്നും ഉത്തരവില് പറയുന്നു.
പൊലീസ് മീഡിയാ സെന്ററിന്റെ കീഴില് കൊവിഡിന്റെ പശ്ചാത്തലത്തില് ഇതിനോടകം മുന്നൂറിലധികം വീഡിയോകള് പുറത്തിറക്കിയിരുന്നു. കോണ്സ്റ്റബിള് മുതല് മുതിര്ന്ന ചുമതലയിലുള്ള ഉദ്യോഗസ്ഥര് വരെ വീഡിയോകള് നിര്മ്മിക്കാന് തുടങ്ങിയിരുന്നു. വീഡിയോകള്ക്കായി പൊലീസ് ചലച്ചിത്ര താരങ്ങളെയടക്കം സമീപിച്ചിരുന്നു.
ഇതിന് പിന്നാലെ ഉദ്യോഗസ്ഥരുടെ കൂടുതല് ശ്രദ്ധ വീഡിയോ നിര്മ്മാണത്തിലേക്ക് തിരിഞ്ഞിരിക്കുകയാണെന്ന് വകുപ്പിനുള്ളില്നിന്നുതന്നെ പരാതി ഉയര്ന്നിരുന്നു. ഈ പശ്ചാത്തലത്തിലാണ് ഡി.ജി.പി നിയന്ത്രണങ്ങള് ഏര്പ്പെടുത്തിയിരിക്കുന്നത്.
സെബര് ക്രൈം, കുട്ടികള്ക്കെതിരായ അതിക്രമം തുടങ്ങിയ കാര്യങ്ങള് സംബന്ധിച്ചുള്ള ബോധവല്ക്കരണ വീഡിയോകള് ചിത്രീകരിക്കുകയാണെങ്കില് അതത് യൂണിറ്റിലെ അനുമതിയോടുകൂടി ചെയ്യാവുന്നതാണെന്നും ഡി.ജി.പിയുടെ ഉത്തരവില് പറയുന്നു.
കൊവിഡ് പശ്ചാത്തലത്തില് കേരള പൊലീസ് നിര്മ്മിച്ച വീഡിയോകള് എല്ലാംതന്നെ വലിയ പ്രചാരം നേടിയിരുന്നു. അന്താരാഷ്ട്ര മാധ്യമങ്ങളില് വരെ ഇത് വാര്ത്തായാവുകയും ചെയ്തിരുന്നു.
അയർലണ്ടിലെ എല്ലാ എടിഎമ്മുകളുടെയും (ATM) പണസേവന കേന്ദ്രങ്ങളുടെയും (Cash Service Points) സ്ഥാനം പൊതുജനങ്ങൾക്ക് എളുപ്പത്തിൽ കണ്ടെത്താൻ കഴിയുന്ന പുതിയ…
യൂറോപ്യൻ യൂണിയന് (EU) പുറത്തുനിന്ന് അയർലണ്ടിലേക്ക് എത്തുന്ന ഓൺലൈൻ വാങ്ങലുകൾക്ക് ജൂലൈ 1 മുതൽ പുതിയ കസ്റ്റംസ് ചാർജുകൾ നിലവിൽ…
അയർലണ്ടിലെ ഇന്ത്യൻ സമൂഹത്തിന്റെ ഏറ്റവും വലിയ സാംസ്കാരിക ആഘോഷങ്ങളിലൊന്നായ മിഡ്ലാൻഡ് ഇന്ത്യൻ ഫെസ്റ്റ് – ഉത്സവ് 2026 ജൂലൈ 4-ന്…
ദമ്മാം: വായനാദിനത്തിൽ മലയാള ചലച്ചിത്ര ഗാനരചനാ രംഗത്തെ അതുല്യപ്രതിഭ ഷിബു ചക്രവർത്തിക്കൊപ്പം മലയാളി സമാജം ‘പിച്ചകപ്പൂങ്കാവുകൾക്കുമപ്പുറം. ഷിബു ചക്രവർത്തിയോടൊത്ത് പാട്ടോരത്ത്’…
ഏകദേശം 30 ദശലക്ഷം യൂറോ ചെലവഴിച്ച് വികസിപ്പിച്ച ഐറിഷ് റെയിലിന്റെ പുതിയ ട്രാഫിക് മാനേജ്മെന്റ് സിസ്റ്റം (TMS) നിർണായക സുരക്ഷാ…
നോർത്ത് അയർലണ്ടിലുടനീളമുള്ള റെസിഡന്റ് ഡോക്ടർമാർ ശമ്പള പുനഃസ്ഥാപനം ആവശ്യപ്പെട്ട് 24 മണിക്കൂർ പണിമുടക്കിന് തുടക്കമിട്ടു. തിങ്കളാഴ്ച രാവിലെ 7 മണിക്ക്…