മുട്ടാര്‍ പുഴയില്‍ പെണ്‍കുട്ടി മരിച്ച സംഭവം; വൈഗയുടെ അച്ഛന്റെ ലുക്കൗട്ട് നോട്ടിസ് പൊലീസ് പുറത്തിറക്കി

മുട്ടാര്‍ പുഴയില്‍ പെണ്‍കുട്ടി മരിച്ച സംഭവത്തില്‍ പെൺകുട്ടിയുടെ അച്ഛൻ സനു മോഹന്റെ ലുക്കൗട്ട് നോട്ടിസ് പൊലീസ് പുറത്തിറക്കിയിട്ടുണ്ട്. അതേസമയം സനു മോഹന്റെ കാക്കനാട്ടെ ഫ്‌ളാറ്റില്‍ പൊലീസ് രക്തക്കറ കണ്ടെത്തിയിരുന്നു. ഈ രക്തക്കറ വൈഗയുടെതാണെന്നാണ് അന്വേഷണ സംഘം സംശയിക്കുന്നത്. രക്ത സാമ്പിളുകൾ പരിശോധനക്ക് അയച്ചിട്ടുണ്ടെന്ന് പോലീസ് അറിയിച്ചു.

വൈക മരണപ്പെട്ട അതെ ദിവസം തന്നെയാണ് വൈഗയുടെ അച്ഛൻ സനു മോഹനെയും കാണാതാവുന്നത്. ഇയാളുടെ കാർ വാളയാർ ചെക്‌പോസ്റ് കടന്നതിന്റെ സി സി ടി വി ദൃശ്യങ്ങൾ പൊലീസിന് ലഭിച്ചിരുന്നു. എന്നാൽ സനു തന്നെയാണോ കാറോടിച്ചത് എന്ന് വ്യക്തമല്ല.

നിലവിൽ സനു മോഹന്റെ സുഹൃത്തുക്കളെ കേന്ദ്രീകരിചാണ് അന്വേഷണം പുരോഗമിക്കുന്നത്.