ഇടുക്കി മൂലമറ്റം പവർഹൗസിൽ പൊട്ടിത്തെറി; ആളപായമില്ല

ഇടുക്കി: ഇടുക്കി മൂലമറ്റം പവർഹൗസിൽ നാലാം നമ്പർ ജനറേറ്ററിലെ ഓക്സിലറി സിസ്റ്റത്തിൽ പൊട്ടിത്തെറി ഉണ്ടായി . ജനറേറ്റർ പ്രവർത്തിപ്പിച്ചുകൊണ്ടിരിക്കെയാണ് പൊട്ടിത്തെറി ഉണ്ടായത്.

പൊട്ടിത്തെറി ഉണ്ടായതിനെ തുടർന്ന് മൂലമറ്റത്തെ വൈദ്യുതി ഉത്പാദനം നിര്‍ത്തി. ചെറിയ തോതില്‍ ലോഡ് ഷെഡ്ഡിങ് ഏര്‍പ്പെടുത്തി പ്രശ്നത്തിന് പരിഹാരം കാണാനുള്ള ശ്രമത്തിലാണ് കെഎസ്ഇബി. പൊട്ടിത്തെറിയിൽ ആളപായമില്ലെന്നും ആശങ്കപ്പെടേണ്ട സാഹചര്യമില്ലെന്നും കെഎസ്ഇബി അറിയിച്ചു.