പാലായില്‍ യുഡിഎഫിന് വേണ്ടി മത്സരിക്കാന്‍ തയാറാണെന്ന് എം.എല്‍.എ പി.സി. ജോര്‍ജ്

തിരുവനന്തപുരം: പാലായില്‍ യുഡിഎഫിന് വേണ്ടി മത്സരിക്കാന്‍ തയാറാണെന്ന് എം.എല്‍.എ പി.സി. ജോര്‍ജ്. എന്നാല്‍ യു.ഡി.എഫിന്റെ ഭാഗമാകണമെങ്കില്‍ മാന്യമായ പരിഗണന ലഭിക്കണമെന്നും പൂഞ്ഞാര്‍ കൂടാതെ
പാലായോ കാഞ്ഞിരപ്പള്ളിയോ ലഭിക്കണമെന്നും അദ്ദേഹം പറഞ്ഞു.

മുന്നണി നേതൃത്വം പി.സി. ജോര്‍ജ് യു.ഡി.എഫിലേക്ക് വരണമെന്ന് ആവശ്യപ്പെട്ടിട്ടുണ്ട്. തനിക്കെതിരായ പൂഞ്ഞാറിലെ പ്രതിഷേധം കണക്കിലെടുക്കുന്നില്ലെന്ന് പി.സി. ജോര്‍ജ് പറഞ്ഞു. നിലവില്‍ ഒരു മുന്നണിയുടെയും ഭാഗമല്ലാത്ത പി.സി ജോര്‍ജിന്റെ ജനപക്ഷം യു.ഡി.എഫുമായി അടുക്കാനുള്ള ശ്രമത്തിലാണെന്ന ചർച്ച ഉയർന്നിരുന്നു. ഒരു വിഭാഗം കോണ്‍ഗ്രസ് നേതാക്കളും ചില ഘടക കക്ഷികളും എതിര്‍പ്പും പ്രകടിപ്പിച്ചിട്ടുണ്ട് അതേസമയം പി.സി. ജോര്‍ജിനെ യുഡിഎഫില്‍ എടുക്കണമെന്ന ആവശ്യവുമായി കത്തോലിക്ക സഭ രംഗത്തെത്തിയിരുന്നു. ഇത് സംബന്ധിച്ച് ബിഷപ്പുമാര്‍ കോണ്‍ഗ്രസ് നേതൃത്വവുമായി ബന്ധപ്പെട്ടിരുന്നു.