അട്ടപ്പാടിയിൽ ഒരു വയസും എട്ട് മാസവും പ്രായമായ കുഞ്ഞിന് ഷിഗല്ല സ്ഥിരീകരിച്ചു

പാലക്കാട്: പാലക്കാട് ജില്ലയിലെ അട്ടപ്പാടിയിൽ ഒരു വയസും എട്ട് മാസവും പ്രായമായ കുഞ്ഞിന് ഷിഗല്ല സ്ഥിരീകരിച്ചു.കോഴിക്കോട് മെഡികൽ കോളജിൽ കുട്ടി ചികിത്സയിലാണ്.

കഴിഞ്ഞ ഡിസംബറിൽ കോഴിക്കോട് അഞ്ച് പേരിൽ ഷിഗല്ല സ്ഥിരീകരിച്ചിരുന്നു. സംസ്ഥാനത്ത് ആദ്യമായി ഷിഗല്ല സ്ഥിരീകരിക്കുന്നത് കോഴിക്കോടാണ്. തുടർന്ന് എറണാകുളത്തും, കണ്ണൂരും ഷിഗല്ല സ്ഥിരീകരിച്ചിരുന്നു.

ഷിഗല്ലയുടെ രോഗലക്ഷങ്ങൾ വയറിളക്കം, പനി, വയറുവേദന, അടിക്കടി മലശോധനഎന്നിവയാണ്. എല്ലാ ഷിഗല്ല രോഗികൾക്കും രോഗലക്ഷങ്ങൾ കാണണമെന്നില്ല. ഷിഗല്ല ബാക്ടീരിയ ശരീരത്തിൽ പ്രവേശിച്ച് മൂന്ന് ദിവസത്തിന് ശേഷമാണ് രോഗലക്ഷണങ്ങൾ കണ്ട് തുടങ്ങുക.