മറൈൻ ഡ്രൈവിലെ ഫ്ലാറ്റിന്റെ ആറാം നിലയിൽനിന്ന് സ്ത്രീ താഴേയ്ക്ക് വീണു

കൊച്ചി: മറൈൻ ഡ്രൈവിലെ ലിങ്ക് ഹൊറൈസൺ ഫ്ലാറ്റിന്റെ ആറാം നിലയിൽനിന്ന് സ്ത്രീ താഴേയ്ക്ക് വീണു. തമിഴ്നാട് സേലം സ്വദേശിനി കുമാരി(55) ആണ് ഇന്നു പുലർച്ചെ ഫ്ലാറ്റിൽനിന്നും താഴേക്ക് വീണനിലയിൽ കണ്ടെത്തിയത്. ഫ്ലാറ്റിലെ വീട്ടുജോലിക്കാരിയായിരുന്നു കുമാരി. പരുക്കേറ്റ കുമാരിയെ ആശുപത്രിയില്‍ പ്രവേശിപ്പിച്ചു. ഇവരുടെ ആരോഗ്യ നില ഗുരുതരമാണെന്നാണ് ആശുപത്രി അധികൃതർ പറയുന്നത്.

സംഭവത്തില്‍ ദുരൂഹതയുണ്ടെന്ന് പോലീസ് സംശയിക്കുന്നു. ഫ്ലാറ്റിൽനിന്ന് രക്ഷപെടാൻ ശ്രമിച്ചപ്പോൾ അപകടത്തിൽപ്പെട്ടതായിരിക്കാമെന്നും പോലീസ് പറയുന്നുണ്ട്. ഫ്ലാറ്റ് ഉടമയായ ഇംതിയാസ് അഹമ്മദിനെ പോലീസ് ചോദ്യം ചെയ്തു വരികയാണ്.