അബുദാബി സർക്കാർ ജീവനക്കാർക്ക് സന്തോഷ വാർത്ത; ഇനി ഭവന, വിദ്യാഭ്യാസ ചിലവുകൾ സർക്കാർ വഹിക്കും

അബുദാബി; അബുദാബി സർക്കാർ സ്ഥാപനങ്ങളിലെ ജീവനക്കാർക്കും കുടുംബ ബന്ധങ്ങൾ ശക്തിപ്പെടുത്തുന്നതിനും കമ്മ്യൂണിറ്റികൾ കെട്ടിപ്പടുക്കുന്നതിനും വേണ്ടി സർക്കാർ നയ വകുപ്പ് പുറത്തിറക്കി. സര്‍ക്കാര്‍ സര്‍വീസിലും സര്‍ക്കാര്‍ സ്ഥാപനങ്ങളിലും ജോലി ചെയ്യുന്നവരുടെ താമസച്ചെലവുകളും മക്കളുടെ വിദ്യാഭ്യാസ ചെലവുകളും ഇനി അബുദാബി സര്‍ക്കാര്‍ വഹിക്കും. അടുത്ത വർഷം മുതലാണ് ഈ നിയമം പ്രാബല്യത്തിൽ വരിക. അബൂദാബി സര്‍ക്കാര്‍ സര്‍വീസില്‍ ജോലി ചെയ്യുന്ന യുഎഇ പൗരന്‍മാര്‍ക്ക് പൂര്‍ണമായ ഹൗസ് അലവന്‍സ് ആയിരിക്കും നല്‍കുക.

പുതിയ നയമനുസരിച്ച്, സർക്കാർ സ്ഥാപനങ്ങളിലെ ജീവനക്കാർക്കും അബുദാബിയിൽ താമസിക്കുന്ന കമ്പനികൾക്കും അവരുടെ തൊഴിൽ ഗ്രേഡിനെ ആശ്രയിച്ച് പ്രത്യേക ആനുകൂല്യങ്ങൾ ലഭിക്കും.

അബുദാബിയിൽ ഒരു വസ്തു വാടകയ്‌ക്കെടുക്കുന്ന പ്രവാസി സർക്കാർ ജീവനക്കാർക്ക് അവരുടെ തൊഴിൽ ഗ്രേഡിന് അനുസൃതമായി വീട്ടു വാടക പൂര്‍ണമായും നല്‍കും. അതുപോലെ തന്നെ സർക്കാർ ജീവനക്കാരുടെ കുട്ടികളുടെ വിദ്യാഭ്യാസ ചിലവും ജോലിയുടെ ഗ്രേഡും സ്വഭാവവും പരിഗണിച്ച് സര്‍ക്കാര്‍ വഹിക്കും.

അബൂദാബിയിലെ സ്‌കൂളുകളില്‍ മാത്രമേ ഈ ആനുകൂല്യങ്ങൾ ലഭിക്കുകയുള്ളു. ജീവനക്കാർക്ക് അവരുടെ സാഹചര്യം ക്രമീകരിക്കാൻ വേണ്ടി സമയം നൽകുന്നതിന് ഒരു വർഷത്തിനുശേഷം പുതിയ നയം നടപ്പിലാക്കുമെന്നാണ് റിപ്പോർട്ട്.