HEYA അറേബ്യൻ ഫാഷൻ എക്സിബിഷൻ നവംബർ 27 മുതൽ DECC യിൽ നടക്കും

ദോഹ: സമകാലീന അറേബ്യൻ ഫാഷനായുള്ള ഖത്തറിന്റെ ഏറ്റവും വലിയ പ്ലാറ്റ്ഫോമായ HEYA അറേബ്യൻ ഫാഷൻ എക്സിബിഷന്റെ 17-ാം പതിപ്പ് ഈ വർഷം 2020 നവംബർ 27 മുതൽ ഡിസംബർ 1 വരെ ദോഹ എക്സിബിഷൻ ആൻഡ് കൺവെൻഷൻ സെന്ററിൽ (DECC) നടക്കും. ആഭ്യന്തര ടൂറിസത്തെ പിന്തുണയ്ക്കുന്നതിനും പ്രാദേശിക ഇവന്റുകൾ വൈവിധ്യവത്കരിക്കുന്നതിനുമുള്ള ഖത്തർ നാഷണൽ ടൂറിസം കൗൺസിലിന്റെ ശ്രമങ്ങളുടെ ഭാഗമായാണ് എക്സിബിഷൻ നടക്കുന്നത്.

പരിപാടികള്‍ സംഘടിപ്പിക്കുന്നത് ഖത്തർ ബിസിനസ് ഇവന്റ്സ് കോർപ്പറേഷനും‌, മേൽനോട്ടം വഹിക്കുന്നത് ദോഹ എക്സിബിഷൻ ആൻഡ് കൺവെൻഷൻ സെന്‍ററും ആയിരിക്കും. എക്സിബിറ്റർമാർക്കും സന്ദർശകർക്കും ഒരുപോലെ സുരക്ഷിതമായ അനുഭവം ഉറപ്പാക്കുന്നു. കൂടാതെ പൂര്‍ണ്ണമായും കൊവിഡ് 19 നിയന്ത്രങ്ങള്‍ പാലിച്ച് കൊണ്ടായിരിക്കും പരിപാടി നടക്കുക.