കിഴക്കന് ആഫ്രിക്കന് രാജ്യമായ എത്യോപ്യയില് വടക്കുകിഴക്കന് മേഖലയിലെ ഹെയ്ലി ഗുബ്ബി അഗ്നിപര്വ്വതം 12000 വര്ഷത്തിന് ശേഷം പൊട്ടിത്തെറിച്ചു. അഗ്നിപര്വ്വതത്തില് നിന്നുള്ള പുകയും ചാരമേഘങ്ങളും ഇന്ത്യ, യെമന്, ഒമാന്, പാകിസ്ഥാൻ എന്നിവിടങ്ങളിലേക്ക് നീങ്ങിയതോടെ നിരവധി വിമാന സര്വീസുകള് റദ്ദാക്കി. സ്ഫോടനത്തിൽ നിന്നുള്ള ചാരനിറത്തിലുള്ള മേഘങ്ങൾ വിമാന സർവീസുകളെ ബാധിക്കുന്നുവെന്നും ഇത്തരം പ്രദേശങ്ങളിലെ സര്വീസുകള് ഒഴിവാക്കണമെന്നും വിമാനക്കമ്പനികൾക്ക് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) നിർദേശം നൽകി. ടുലൗസ് വോൾക്കാനിക് ആഷ് അഡ്വൈസറി സെന്ററും എയർപോർട്ട് അതോറിറ്റി ഓഫ് ഇന്ത്യയും ഇതിനകം തന്നെ വോൾക്കാനിക് ആഷ് അഡ്വൈസറിയും ASHTAM ഉം പുറപ്പെടുവിച്ചിട്ടുണ്ടെന്നും എല്ലാ ബാധിത പ്രദേശങ്ങളും ഉയരങ്ങളും ഒഴിവാക്കാൻ ഓപ്പറേറ്റർമാരോട് ആവശ്യപ്പെട്ടിട്ടുണ്ടെന്നും DGCA അറിയിച്ചു.
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
നടപടിക്രമങ്ങളെക്കുറിച്ചുള്ള പ്രവർത്തന മാനുവലുകൾ അവലോകനം ചെയ്യാനും അതനുസരിച്ച് കോക്ക്പിറ്റിനെയും ക്യാബിൻ ക്രൂവിനെയും കുറിച്ച് വിവരങ്ങൾ നൽകാനും ഡിജിസിഎ വിമാനക്കമ്പനികളോട് നിർദേശം നൽകി. ഏറ്റവും പുതിയ ഉപദേശങ്ങളുടെ അടിസ്ഥാനത്തിൽ ഫ്ലൈറ്റ് പ്ലാനിംഗും റൂട്ടിംഗും ക്രമീകരിക്കാനും, NOTAM, കാലാവസ്ഥാ അപ്ഡേറ്റുകൾ എന്നിവ നിരീക്ഷിക്കാനും, എഞ്ചിൻ ഏറ്റക്കുറച്ചിലുകൾ അല്ലെങ്കിൽ ക്യാബിൻ ദുർഗന്ധം ഉൾപ്പെടെയുള്ള സംശയാസ്പദമായ ചാരം നേരിട്ട് കണ്ടാൽ ഉടൻ റിപ്പോർട്ട് ചെയ്യാനും വിമാനക്കമ്പനികൾക്ക് നിർദ്ദേശം നൽകിയിട്ടുണ്ട്. എയര് ഇന്ത്യ, ആകാശ എയര്, ഇൻഡിഗോ ഉള്പ്പെടെയുള്ള നിരവധി സര്വീസുകള് ഇതിനോടകം തന്നെ റദ്ദാക്കിയിട്ടുണ്ട്.
എത്യോപ്യയിലെ അഫാർ മേഖലയിലെ എർട്ട അലെ റേഞ്ചിലുള്ള ഒരു ഷീൽഡ് അഗ്നിപർവ്വതമാണ് ഹെയ്ലി ഗുബ്ബി. പൊട്ടിത്തെറിയുടെ ഫലമായുണ്ടായ പുകപടലങ്ങൾ 10-15 കിലോമീറ്റർ ഉയരത്തിൽ വരെ എത്തി, ചെങ്കടലിന് കുറുകെ അറബ് രാജ്യങ്ങളിലേക്ക് വ്യാപിച്ചു. ഇതോടെ ഇന്ത്യയില് നിന്ന് ഗള്ഫ് രാജ്യങ്ങളിലേക്കും തിരിച്ചുമുള്ള നിരവധി വിമാന സര്വീസുകള് റദ്ദാക്കിയിട്ടുണ്ട്. വ്യോമയാന ഗതാഗതത്തെ കാര്യമായി ബാധിച്ചുവെന്നും അന്തരീക്ഷ വായുവിൻ്റെ ഗുണനിലവാരം കുറയാൻ സാധ്യതയുണ്ടെന്നും അധികൃതര് മുന്നറിയിപ്പ് നൽകിയിട്ടുണ്ട്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb
Dublin, Ireland: The Miss & Mrs Cross Continent Beauty Pageant will be taking place on…
എം പത്മകുമാർ സംവിധാനം ചെയ്യുന്ന ഉയിർ എന്ന ചിത്രത്തിൻ്റെ സെക്കൻ്റെ ലുക്ക് പോസ്റ്റർ പുറത്തുവിട്ടു. റോഷൻ മാത്യു, ബൈജു സന്തോഷ്…
വേർപാടിന്റെ കനൽവഴികളിലൂടെ കാലം പതിനൊന്ന് വർഷങ്ങൾ മുന്നോട്ട് സഞ്ചരിച്ചിരിക്കുന്നു. എങ്കിലും, പ്രിയപ്പെട്ടവർ വിട്ടുപിരിയുമ്പോൾ അവശേഷിപ്പിക്കുന്ന സ്നേഹത്തിന്റെ സുഗന്ധം ഒരിത്തിരി പോലും…
മെംഫിസ്: അമേരിക്കയിലെ മെംഫിസ് നഗരത്തിൽ തെരുവ് കുറ്റകൃത്യങ്ങളും അക്രമങ്ങളും അടിച്ചമർത്താനായി രൂപീകരിച്ച 'മെംഫിസ് സേഫ് ടാസ്ക് ഫോഴ്സ്' ചരിത്രപരമായ നേട്ടത്തിലേക്ക്.…
ഹൂസ്റ്റൺ: ലോകകപ്പ് ഫുട്ബോളിന്റെ ആവേശകരമായ തുടക്കത്തിനിടെ അമേരിക്കയിലെ ഹൂസ്റ്റണിൽ നടന്ന ഫിഫ ഫാൻ ഫെസ്റ്റിവലിൽ കടുത്ത ചൂടിനെത്തുടർന്ന് രണ്ടുപേരെ സൂര്യാഘാതത്തോടെ…
ന്യൂയോർക്ക്: ആദ്യ ഔദ്യോഗിക കാലാവധി തുടങ്ങി മാസങ്ങൾ മാത്രം പിന്നിടുമ്പോൾ, 2029-ലെ തന്റെ അടുത്ത മേയർ തിരഞ്ഞെടുപ്പ് പ്രചാരണത്തിനായുള്ള ഫണ്ട്…