യുഎഇ ഗോൾഡൻ വിസ: കൂടുതൽ പ്രൊഫഷണലുകൾക്ക് ഇപ്പോൾ 10 വർഷത്തെ റെസിഡൻസി ലഭിക്കുമെന്ന് യു.എ.ഇ ഭരണാധികാരി

യുണൈറ്റഡ് അറബ് എമിറേറ്റ്സ് ഗൾഫ് രാജ്യത്ത് 10 വർഷത്തെ റെസിഡൻസി അനുവദിക്കുന്ന ഗോള്‍ഡന്‍ വിസ സമ്പ്രദായം ചില പ്രൊഫഷണലുകൾക്കും പ്രത്യേക ബിരുദധാരികൾക്കും മറ്റുള്ളവർക്കും നൽകുമെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് അല്‍ മക്തൂം പ്രഖ്യാപനം നടത്തി.

പിഎച്ച്ഡി കൈവശമുള്ള എല്ലാവർക്കും, എല്ലാ ഡോക്ടർമാർക്കും, ഇലക്ട്രോണിക്സ്, പ്രോഗ്രാമിംഗ്, കമ്പ്യൂട്ടർ, ഇലക്ട്രിക്കൽ, ഇലക്ട്രോണിക്സ്, ആക്റ്റീവ് ടെക്നോളജി എന്നിവയിൽ വിദഗ്ധരായ എല്ലാ എഞ്ചിനീയർമാർക്കും പുതിയ റെസിഡൻസി വിസ ലഭിക്കുമെന്ന് അദ്ദേഹം ട്വിറ്ററിലൂടെ പറഞ്ഞു. അംഗീകൃത സർവകലാശാലകളിൽ ഉയർന്ന സ്‌കോറുകൾ ലഭിക്കുന്ന ആളുകൾക്കും ഗോള്‍ഡന്‍ വിസ ലഭിക്കും.

ആര്‍ട്ടിഫിഷ്യല്‍ ഇന്റലിജന്‍സ്, ബിഗ് ഡാറ്റ ആന്റ് വൈറസ് എപ്പിഡെമിയോളജി എന്നീ രംഗങ്ങളില്‍ ബിരുദമുള്ളവരെയും പരിഗണിക്കും. 2019 മെയിലാണ് യു.എ.ഇയില്‍ ഗോള്‍ഡന്‍ വിസ സംവിധാനം അവതരിപ്പിക്കുന്നത്. വിദേശത്തു നിന്നുള്ള പ്രമുഖ നിക്ഷേപകര്‍ക്കും ബിസിനസ് പ്രമുഖര്‍ക്കും സെലിബ്രറ്റികള്‍ക്കുമെല്ലാം യു.എ.ഇ ഗോള്‍ഡന്‍ വിസ നല്‍കുന്നുണ്ട്.