Categories: Health & Fitness

കൊവിഡ്-19 രോഗികള്‍ക്കായി മരുന്ന് പുറത്തിറക്കി ഇന്ത്യന്‍ മരുന്ന് കമ്പനിയായ ഗ്ലെന്‍മാര്‍ക്ക്

കൊവിഡ്-19 രോഗികള്‍ക്കായി മരുന്ന് പുറത്തിറക്കി ഇന്ത്യന്‍ മരുന്ന് കമ്പനിയായ ഗ്ലെന്‍മാര്‍ക്ക്. ഒരു ടാബ്ലറ്റിന് 103 രൂപ വില വരുന്ന ‘Favipiravir’ എന്ന ആന്‍റിവൈറല്‍ മരുന്നാണ് പുറത്തിറക്കിയത്. 

ഫാബിഫ്ലു എന്ന ബ്രാൻഡിന്‍റെ കീഴില്‍ ഗ്ലെന്‍മാര്‍ക്ക് ഫാര്‍മസൂട്ടിക്കല്‍സ് മരുന്ന് പുറത്തിറക്കിയത്.  200 മില്ലിഗ്രാ൦ വീതമുള്ള 34 ടാബ്‌ലെറ്റുകളുള്ള ഒരു സ്ട്രിപ്പിന് പരമാവധി റീട്ടെയിൽ വിലയനുസരിച്ച് (MRP) 3,500 രൂപയാണ്.

കോവിഡ് -19 ചികിത്സയ്ക്കായി ഇന്ത്യയിലെ ആദ്യത്തെ ഓറൽ ഫെവിപിരാവിർ അംഗീകരിച്ച മരുന്നാണ് ഫാബിഫ്ലു. ഡോക്ടറുടെ കുറിപ്പടിയുടെ അടിസ്ഥാനത്തില്‍ മാത്രം ലഭ്യമാക്കുന്ന ഈ മരുന്ന് ആദ്യ ദിവസം 1800 mg കഴിക്കണം. പിന്നീടുള്ള 13 ദിവസങ്ങളില്‍ 800 mg വീതം രണ്ടു നേരം കഴിക്കണം.

‘ഒരു രോഗിക്ക് കുറഞ്ഞത് രണ്ട് സ്ട്രിപ്പുകൾ വീതം കണക്കിലെടുത്താല്‍ ആദ്യ മാസം 82,500 രോഗികൾക്ക് ഫാബിഫ്ലു നൽകാൻ കഴിയും. സാഹചര്യങ്ങള്‍ കണക്കിലെടുത്താകും പ്രവര്‍ത്തനം.’ -കമ്പനി അധികൃതര്‍ പറഞ്ഞു. ആശുപത്രികളിലൂടെയും റീട്ടെയിൽ കടകളിലൂടെയും മരുന്ന് ലഭ്യമാക്കാനാണ് തീരുമാനം. 

മരുന്ന് വിതരണത്തിനായി ആശുപത്രികളുമായി സഖ്യമുണ്ടാക്കുമോയെന്ന ചോദ്യത്തിനു ‘ഫാബിഫ്ലു ആവശ്യമുള്ള എല്ലാ രോഗികൾക്കും ലഭ്യമാകുമെന്ന് ഉറപ്പുവരുത്തുന്നതിനായി ഉൽപ്പാദനത്തിന് മുൻഗണന നൽകുക എന്നതാണ് ഇപ്പോഴത്തെ ശ്രമം.’ എന്നായിരുന്നു മറുപടി.

മുംബൈ ആസ്ഥാനമായി പ്രവര്‍ത്തിക്കുന്ന ഈ കമ്പനിയ്ക്ക് കഴിഞ്ഞ വെള്ളിയാഴ്ച Drugs Controller General of India (DCGI)യില്‍ നിന്ന് മരുന്നിന്‍റെ നിർമാണ, വിപണന അനുമതി ലഭിച്ചിരുന്നു.

‘ആരോഗ്യ സംരക്ഷണ സംവിധാനത്തിൽ കടുത്ത സമ്മർദ്ദം ചെലുത്തിക്കൊണ്ട് ഇന്ത്യയിൽ കേസുകൾ മുമ്പെങ്ങുമില്ലാത്ത വിധം വർദ്ധിച്ചു കൊണ്ടിരിക്കുന്ന സമയത്താണ് ഈ അംഗീകാരം ലഭിക്കുന്നത്.’ -ഗ്ലെൻമാർക്ക് ഫാർമസ്യൂട്ടിക്കൽസ് ചെയർമാനും എംഡിയുമായ ഗ്ലെൻ സൽദാൻഹ പറഞ്ഞു. 

Newsdesk

Share
Published by
Newsdesk

Recent Posts

വെള്ളപ്പൊക്കം 21 മണിക്കൂർ മുമ്പേ അറിയാം! ഡബ്ലിനിൽ AI മുന്നറിയിപ്പ് സംവിധാനം വരുന്നു

ഡബ്ലിനിൽ കനത്ത മഴയും വെള്ളപ്പൊക്കവും ഉണ്ടാകാനുള്ള സാധ്യത 13 മുതൽ 21 മണിക്കൂർ മുമ്പ് തിരിച്ചറിയാൻ കഴിയുന്ന ആർട്ടിഫിഷ്യൽ ഇന്റലിജൻസ്…

10 hours ago

കള്ളപ്പണം, തട്ടിപ്പ്, സാമ്പത്തിക കുറ്റകൃത്യങ്ങൾ; തടയാൻ അയർലണ്ടിന്റെ പുതിയ നീക്കം! കമ്പനികളുടെ ഉടമസ്ഥ വിവരങ്ങളിൽ കൂടുതൽ പരിശോധന

അയർലണ്ടിലെ സാമ്പത്തിക ഇടപാടുകളിൽ കൂടുതൽ സുതാര്യത ഉറപ്പാക്കുന്നതിനും കള്ളപ്പണം വെളുപ്പിക്കൽ, ഭീകരവാദ പ്രവർത്തനങ്ങൾക്കുള്ള സാമ്പത്തിക സഹായം എന്നിവ തടയുന്നതിനുമായി പുതിയ…

18 hours ago

വ്യാപാരി പ്രമുഖൻ ടി.എസ്.പട്ടാഭിരാമൻ 75-ന്റെ നിറവിൽ: വിജയഗാഥയും ജീവകാരുണ്യവും

തൃശൂരിന്റെ വ്യവസായ ചരിത്രത്തിൽ സമാനതകളില്ലാത്ത വ്യക്തിത്വമാണ് കല്യാൺ സിൽക്സിന്റെ സാരഥിയായ ടി.എസ്. പട്ടാഭിരാമൻ. ചെറിയൊരു തുണിക്കടയിൽ നിന്ന് ആരംഭിച്ച്, ദക്ഷിണേന്ത്യയിലെയും…

1 day ago

പ്രശസ്ത ക്രിസ്ത്യൻ സംഗീതജ്ഞനും പാസ്റ്ററുമായ സ്റ്റീവ് ക്യാമ്പ് അന്തരിച്ചു

ഫ്ലോറിഡ :പ്രശസ്ത ക്രിസ്ത്യൻ സംഗീതജ്ഞനും പാസ്റ്ററുമായ സ്റ്റീവ് ക്യാമ്പ് (71) ഹൃദയസ്തംഭനത്തെ തുടർന്ന് അന്തരിച്ചു. കുടുംബാംഗങ്ങളാണ് ഈ വിയോഗവാർത്ത പുറത്തുവിട്ടത്.നവംബർ…

1 day ago

‘അറുപത്താറിൽ ആറാം പ്രാക്ക്….കള്ളപ്രാക്ക്.. കന്നിപ്രാക്ക് ‘;’മായൻ’ ആദ്യ ലിറിക്കൽ വീഡിയോ എത്തി

അറുപത്താറിൽ ആറാം പ്രാക്ക് ...കള്ള പ്രാക്ക്, കന്നിപ്രാക്ക്...എന്നു തുടങ്ങുന്ന ഗാനത്തോടെ മായൻ ചാപ്റ്റർ 1 എന്ന ചിത്രത്തിന്റെ ലിറിക്കൽ വീഡിയോ…

1 day ago

ഒറ്റയ്ക്കാക്കി പോകുന്ന മാതാപിതാക്കൾക്ക് ഒരു ഓർമ്മപ്പെടുത്തൽ; ഹൃദയസ്പർശിയായ സന്ദേശവുമായി ‘IRISH DREAM’

കുടുംബബന്ധങ്ങളുടെ മൂല്യവും കുട്ടികളുടെ സുരക്ഷയും മാതാപിതാക്കളുടെ ഉത്തരവാദിത്വവും ഓർമ്മിപ്പിക്കുന്ന ശക്തമായ സാമൂഹിക സന്ദേശവുമായി പുതിയ മലയാളം ഷോർട്ട് ഫിലിം ‘IRISH…

2 days ago