ജനസംഖ്യയിൽ 8% വർദ്ധനവ്: അയർലണ്ടിൽ 14 അധിക TDകളും, നാല് മണ്ഡലങ്ങളും ശുപാർശ ചെയ്ത് തെരഞ്ഞെടുപ്പ് കമ്മീഷൻ

അടുത്ത Dail ലേക്കുള്ള TDകളുടെ എണ്ണം 160ൽ നിന്ന് 174 ആക്കണമെന്ന് തെരഞ്ഞെടുപ്പ് കമ്മീഷൻ ശുപാർശ ചെയ്തു. 2016 മുതൽ ജനസംഖ്യയിൽ 8% വളർച്ചയാണ് കണക്കാക്കുന്നത്. ഭരണഘടന പ്രകാരം അയർലൻഡിൽ 20,000 മുതൽ വരെ 30,000 പേർക്ക് ഒരു TD ഉണ്ടായിരിക്കണം.നിലവിൽ 32,182-ന് ഒരു TD എന്ന ദേശീയ ശരാശരി. കമ്മീഷൻ പ്രഖ്യാപിച്ച ശുപാർശകൾ പ്രകാരം ഓരോ ഡെപ്യൂട്ടിയും ശരാശരി 29,593 പേരെ പ്രതിനിധീകരിക്കും. 1981-ന് ശേഷം ഇതാദ്യമായാണ് TD-കളുടെ എണ്ണം വർദ്ധിക്കുന്നത്.

സൗത്ത് വിക്ലോയിലും നോർത്ത് വെക്‌സ്‌ഫോർഡിലും വിക്ലോ-വെക്‌സ്‌ഫോർഡിന്റെ ഒരു പുതിയ ഇന്റർ കൗണ്ടി മണ്ഡലം കമ്മീഷൻ നിർദ്ദേശിക്കുന്നു. വടക്ക് – Rathdrum, Avoca and Arklow, പടിഞ്ഞാറ് – Tinahely and Bunclody, തെക്ക്- Gorey, Ferns and Kilmuckridge എന്നിവ ഉൾപ്പെടുന്നു. Tipperary, Dublin Fingal and Laois-Offaly എന്നീ മൂന്ന് മണ്ഡലങ്ങൾ പകുതിയായി വിഭജിക്കാൻ കമ്മീഷൻ ആവശ്യപ്പെടുന്നു. മയോ, ഗാൽവേ ഈസ്റ്റ്, കിൽഡെയർ നോർത്ത്, ലോംഗ്ഫോർഡ്-വെസ്റ്റ്മീത്ത്, മീത്ത് ഈസ്റ്റ് എന്നിവിടങ്ങളിൽ പുതിയ സീറ്റുകൾ കൂടി നിർദ്ദേശിച്ചിട്ടുണ്ട്.

ചെറിയ പാർട്ടികൾക്കും സ്വതന്ത്രർക്കും അനുകൂലമാകുമെന്നതിനാൽ നാലോ അഞ്ചോ സീറ്റുകളുള്ള കൂടുതൽ മണ്ഡലങ്ങൾ സൃഷ്ടിക്കണമെന്ന് ചില ചെറിയ രാഷ്ട്രീയ പാർട്ടികൾ ആവശ്യപ്പെട്ടിരുന്നു.മൂന്ന് സീറ്റുകളുള്ള മണ്ഡലത്തിലെ ക്വാട്ട 25% ആണ്, ഇത് വലിയ പാർട്ടികൾക്കും സ്വതന്ത്രർക്കും ഗുണം ചെയ്യും.മൊത്തത്തിൽ, മൂന്ന് സീറ്റുകളുള്ള മണ്ഡലങ്ങളുടെ എണ്ണം ഒമ്പതിൽ നിന്ന് 13 ആയും, 14 നാല് സീറ്റുകൾ (രണ്ട് താഴെ), 15 അഞ്ച് സീറ്റുകൾ (രണ്ട് മുകളിലേക്ക്) എന്നിങ്ങനെ ഉയരുമെന്ന് ശുപാർശ ചെയ്യുന്നു.

ക്ലെയർ, കോർക്ക് സൗത്ത്-വെസ്റ്റ്, ഡൊണഗൽ, ഡബ്ലിൻ സെൻട്രൽ, കെറി, ലിമെറിക് കൗണ്ടി, വാട്ടർഫോർഡ് എന്നീ ഏഴ് നിയോജക മണ്ഡലങ്ങൾ മാറ്റമില്ലാതെ തുടരും. ഡെയിലിന്റെയും യൂറോപ്യൻ പാർലമെന്റിന്റെയും നിയോജക മണ്ഡലങ്ങൾ നിർണ്ണയിക്കുന്ന Houses of the Oireachtasന് റിപ്പോർട്ട് കൈമാറും.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/KLyRx6eLM5a1Kg1qZjDSEz