അയർലണ്ടിന്റെ കൊച്ചു ഗായകൻ ആദിൽ അൻസാർ പാടിയ പുതിയ ക്രിസ്തീയ ഭക്തി ഗാനം പുറത്തിറങ്ങി

അയർലണ്ട്: അയർലണ്ട് മലയാളികളുടെ പ്രിയപ്പെട്ട കൊച്ചു മിടുക്കൻ ആദിൽ അൻസാർ പാടിയ അതിമനോഹരമായ പുതിയ ക്രിസ്തീയ ഭക്തി ഗാനം പുറത്തിറങ്ങി. സിയോൺ ക്ലാസിക്‌സിന്റെ ബാന്നറിൽ ജിനോ കുന്നുംപുറത്താണ് യൂട്യൂബിലൂടെ “മുളംതണ്ടിൽ ” എന്ന ഹൃദയസ്പർശിയായ ഈ ഗാനം റിലീസ് ചെയ്തിരിക്കുന്നത്.

ഫാദർ മൈക്കൽ പനച്ചിക്കലിന്റെ അർത്ഥസമ്പൂർണമായ വരികൾക്ക് അതിമനോഹരമായി സംഗീതം നൽകിയത് പവിത്രൻ അമേച്ചൽ എന്ന മികവുറ്റ സംഗീത സംവിധായകനാണ്.

തന്റെ ഭക്തി സാന്ദ്രമായ സ്വര മാധൂര്യം കൊണ്ട് കേൾവിക്കാരുടെ മനസ്സിൽ ഇടം നേടുകയാണ് 11 വയസുകാരനായ ഈ കൊച്ചു ഗായകൻ ആദിൽ അൻസാർ.

ഇന്നലെ യൂട്യൂബിലൂടെ റിലീസ് ചെയ്ത ഈ ഗാനത്തിന് വളരെ നല്ല സ്വീകരണമാണ് ലഭിച്ചു കൊണ്ടിരിക്കുന്നത്.

അയർലണ്ടിന്റെ മനോഹാരിതയിൽ ചിത്രീകരിച്ചിരിക്കുന്ന ഈ ഗാനത്തിന്റെ ദൃശ്യങ്ങൾ ഭംഗിയായി ക്യാമറയിൽ പകർത്തിയിരിക്കുന്നത് ഫോടോഫാക്ടറി അയർലണ്ടിലെ മികവുറ്റ ഫോട്ടോഗ്രാഫേഴ്സ് ആയ ജിതിൻ മാത്യു വും ടിബിൻ ജോസഫും ചേർന്നാണ്.

അയർലണ്ടിൽ 5 ആം ക്ലാസ്സിൽ പഠിക്കുന്ന ആദിൽ കൊല്ലം കൊട്ടിയം സ്വദേശികളായ അൻസാറിന്റെയും അൻസിയുടെയും മൂത്ത മകനാണ്.