രണ്ട് വർഷത്തിനിടെ 63,000 പേർക്ക് ഐറിഷ് വിസ നിരസിച്ചു, ഇന്ത്യയിൽ നിന്നുള്ള അപേക്ഷകളിൽ 92.4 ശതമാനവും അനുവദിച്ചു

കഴിഞ്ഞ രണ്ട് വർഷത്തിനിടെ ഏകദേശം 63,000 പേർക്ക് അയർലണ്ടിലേക്കുള്ള യാത്രാ വിസ നിഷേധിച്ചതായി റിപ്പോർട്ട്. ചില രാജ്യങ്ങളിലെ പൗരന്മാർക്ക് 90 ശതമാനത്തിലധികം നിരസിക്കൽ നിരക്കുകൾ നേരിടേണ്ടി വന്നിട്ടുണ്ടെന്നും കണക്കുകൾ വ്യക്തമാക്കുന്നു. നീതിന്യായ വകുപ്പ് പുറത്തുവിട്ട കണക്കുകൾ പ്രകാരം 2024 ലും 2025 ലും 321,000 ത്തിലധികം അപേക്ഷകൾ അനുവദിച്ചു.2025-ൽ, ഇന്ത്യയിൽ നിന്നുള്ള 72,137 പേരുടെ വിസ ഉൾപ്പെടെ, ആകെ അപേക്ഷകളിൽ 92.4 ശതമാനവും അനുവദിച്ചു.

Join GNN24X7 IRELAND Whatsapp Group 🔗https://chat.whatsapp.com/DMcx9ffd8nI5hZfAUsl96s?mode=hqrt3

Burundiയിൽ നിന്നുള്ള ആളുകൾക്ക് അയർലണ്ടിലേക്ക് യാത്ര ചെയ്യാൻ അനുവാദം ലഭിക്കാനുള്ള സാധ്യത 12-ൽ ഒന്നിൽ താഴെയായിരുന്നു .ഈ ചെറിയ കിഴക്കൻ ആഫ്രിക്കൻ രാജ്യത്ത് നിന്നുള്ള അപേക്ഷകളിൽ എടുത്ത 136 തീരുമാനങ്ങളിൽ 8.1 ശതമാനം ആളുകൾക്ക് മാത്രമേ – ആകെ 11 പേർക്ക് – അനുമതി ലഭിച്ചുള്ളൂ. കഴിഞ്ഞ വർഷം ബിസിനസ് , ജോലി, വിനോദം എന്നിവയ്ക്കായി 205,000-ത്തിലധികം അപേക്ഷകൾ ലഭിച്ചു. ഏകദേശം 195,000 കേസുകളിൽ തീരുമാനമെടുത്തു.തുടർന്ന് 161,084 കേസുകളിൽ വിസ അംഗീകരിച്ചു, അതേസമയം 34,089 അപേക്ഷകൾ നിരസിക്കപ്പെട്ടു.

ഭൂട്ടാൻ , മോണ്ടിനെഗ്രോ , പാപുവ ന്യൂ ഗിനിയ എന്നിവിടങ്ങളിൽ നിന്നുള്ള അപേക്ഷകൾക്ക് 100 ശതമാനം അനുമതി ലഭിച്ചു. കണക്കുകൾ പ്രകാരം 94.5 ശതമാനം റഷ്യൻ അപേക്ഷകൾക്കും അനുമതി ലഭിച്ചു, കഴിഞ്ഞ വർഷം ചൈനയിൽ നിന്നുള്ള 16,511 അപേക്ഷകൾ അന്തിമമാക്കിയതിൽ 95 ശതമാനവും അംഗീകരിച്ചു.യാത്രയ്‌ക്കോ ജോലിക്കോ വേണ്ടി വിസ തേടുന്നവരുടെ എണ്ണം കൂടുതലുള്ള മറ്റ് രാജ്യങ്ങളിൽ ദക്ഷിണാഫ്രിക്കയും ഉൾപ്പെടുന്നു , 12,500 കേസുകൾ കൈകാര്യം ചെയ്തു, അതിൽ 93.1 ശതമാനം കേസുകളും അനുവദിച്ചു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==