ജൂനിയർ സൈക്കിൾ ഗ്രേഡുകൾക്കുള്ള ബാൻഡുകൾ വിപുലീകരിക്കും

വിദ്യാഭ്യാസ മന്ത്രി ഹെലൻ മക്കെന്റി പ്രഖ്യാപിച്ച ജൂനിയർ സൈക്കിൾ ഗ്രേഡ് ബാൻഡുകളിലെ മാറ്റങ്ങൾ ജൂനിയർ സൈക്കിൾ വിദ്യാർത്ഥികൾക്ക് അവരുടെ പരീക്ഷകളിൽ മികച്ച ഗ്രേഡുകൾ നേടുന്നത് എളുപ്പമാക്കും. ഡിസ്റ്റിംഗ്ഷൻ, ഹയർ മെറിറ്റ് ബാൻഡുകൾക്കായുള്ള മാർക്കുകൾ വർദ്ധിപ്പിക്കും. വരുന്ന ജൂണിൽ ജൂനിയർ സൈക്കിൾ പരീക്ഷ എഴുതുന്ന 73,000-ത്തിലധികം വിദ്യാർത്ഥികൾക്ക് ഈ മാറ്റങ്ങൾ പ്രാബല്യത്തിൽ വരും.85% മുതൽ മുകളിലുള്ള മാർക്കിന് ഇനി ഡിസ്റ്റിംഗ്ഷൻ നൽകും. മുമ്പ് 90% മുതലുള്ള മാർക്കിനാണ് ഇത് നൽകിയിരുന്നത്.75% മുതൽ 90% വരെയുള്ള മാർക്കിന് പകരം 70% മുതൽ 85% വരെയുള്ള മാർക്കിന് ഇനി ഹയർ മെറിറ്റ് നൽകും.

ഇന്നും നാളെയും അധ്യാപകരുടെ വാർഷിക ട്രേഡ് യൂണിയൻ സമ്മേളനങ്ങളിൽ മന്ത്രി അഭിസംബോധന ചെയ്യാൻ തയ്യാറെടുക്കുന്നതിനിടെയാണ് മാറ്റങ്ങൾ പ്രഖ്യാപിച്ചിരിക്കുന്നത്. ഇത് വിദ്യാർത്ഥികളിൽ നല്ല സ്വാധീനം ചെലുത്തുമെന്നും, ഗ്രേഡുകൾ അവരുടെ കഠിന പരിശ്രമത്തിന്റെ പ്രതിഫലനമാണെന്ന് ഉറപ്പാക്കുന്നും മക്എൻറി പറഞ്ഞു. ഈ മാറ്റത്തോടെ കൂടുതൽ വിദ്യാർത്ഥികൾ ഡിസ്റ്റിംഗ്ഷൻ, ഹയർ മെറിറ്റ് ഗ്രേഡുകൾ നേടുമെന്ന് പ്രതീക്ഷിക്കാമെന്നും അവർ കൂട്ടിച്ചേർത്തു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb