തൊഴിലാളി സമരം പിൻവലിച്ചു: ലിമെറിക്കിൽ ബസ് ഐറിയൻ സർവീസുകൾ പുനരാരംഭിച്ചു

ലിമെറിക്കിൽ ഡ്രൈവർമാരുടെ പ്രതിഷേധത്തെ തുടർന്ന് നിർത്തിവച്ച Bus Éireann സർവീസുകൾ പുനരാരംഭിച്ചു. നാഷണൽ ബസ് ആൻഡ് റെയിൽ യൂണിയൻ (NBRU) ജനറൽ സെക്രട്ടറി Dermot O’Leary യുമായി നടത്തിയ കൂടിക്കാഴ്ചയെ തുടർന്നാണിത്. പാർട്ട് ടൈം അല്ലെങ്കിൽ “സ്പെയർ” ഡ്രൈവർമാർക്കുള്ള പുതിയ റോസ്റ്ററിനെക്കുറിച്ചുള്ള ഡ്രൈവർമാരുടെ ആശങ്കകൾ ചർച്ച ചെയ്യാൻ, വർക്ക്‌പ്ലേസ് റിലേഷൻസ് കമ്മീഷനുമായി ഈ ആഴ്ച മീറ്റിംഗ് നടക്കുമെന്ന് പ്രതീക്ഷിക്കുന്നു.

സാഹചര്യം പരിഹരിക്കാൻ എല്ലാ ശ്രമങ്ങളും നടത്തുന്നുണ്ടെന്നും ബാധിച്ച ഉപഭോക്താക്കളോട് ക്ഷമ ചോദിക്കുന്നതായും ബസ് ഐറിയൻ പ്രസ്താവാനയിൽ പറഞ്ഞു. സ്‌പെയർ ഡ്രൈവർ വർക്കിംഗ് അറേഞ്ച്‌മെന്റുകളുടെ അവലോകനത്തിൽ കുറച്ചുകാലമായി ഏർപ്പെട്ടിരിക്കുകയാണെന്നും പുതിയ റോസ്റ്ററുമായി ബന്ധപ്പെട്ട കരാറിൽ എത്തിയതായും കമ്പനി അറിയിച്ചു.

പ്രവർത്തന ക്രമീകരണങ്ങളുടെ അവലോകനം പൂർത്തിയായതായും കമ്പനിയും ട്രേഡ് യൂണിയനുകളും സംയുക്തമായി അംഗീകരിച്ച വിപുലമായ പ്രക്രിയയിലൂടെയാണ് അവലോകനം നടത്തിയതെന്നും കമ്പനി അറിയിച്ചു. നടപടിയിലും ഉപഭോക്താക്കളെ ബാധിക്കുന്നതിലും നിരാശയുണ്ടെന്ന് കമ്പനി അറിയിച്ചു.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://whatsapp.com/channel/0029Va4AM6UElagtUTDuQQ0S