Dún Laoghaire-Rathdown കൗണ്ടി കൗൺസിലർ തോമസ് ജോസഫിനെ ഡബ്ലിനിലെ Commissioner for Oaths ആയി നിയമിച്ചു. ഈ സ്ഥാനത്ത് എത്തുന്ന ആദ്യ ഇന്ത്യൻ വംശജരിൽ ഒരാളാണ് അദ്ദേഹം. ഇടുക്കി ജില്ലയിലെ ഉപ്പുതോട് സ്വദേശിയാണ് തോമസ് ജോസഫ്. അയർലണ്ടിലെ കോടതി സംവിധാനമായ Courts Service of Ireland മുഖേന ഡബ്ലിനിലെ സുപ്രീം കോടതിയിലെ ചീഫ് ജസ്റ്റിസിൽ നിന്നാണ് തോമസ് ജോസഫിന് നിയമനം ലഭിച്ചത്.
Join GNN24X7 IRELAND Whatsapp Group 🔗https://chat.whatsapp.com/DMcx9ffd8nI5hZfAUsl96s?mode=hqrt3
കമ്മീഷണർ ഫോർ ഓത്ത്സ് എന്ന നിലയിൽ, സത്യവാങ്മൂലങ്ങൾ (Affidavits), സ്റ്റാറ്റ്യൂട്ടറി ഡിക്ലറേഷനുകൾ തുടങ്ങിയ പ്രധാന നിയമ രേഖകളിൽ ഒപ്പുവെച്ച് സാക്ഷ്യപ്പെടുത്തുകയും, സത്യപ്രതിജ്ഞകൾ സ്വീകരിക്കുകയും, ഔദ്യോഗിക രേഖകൾ സാക്ഷ്യപ്പെടുത്തുകയും ചെയ്യാനുള്ള അധികാരമാണ് ലഭിക്കുക.
ഐ.ടി. ആർകിടെക്റ്റാണ് തോമസ് ജോസഫ്. സയൻസിൽ ബിരുദവും കമ്പ്യൂട്ടർ സയൻസിൽ മാസ്റ്റേഴ്സ് ബിരുദവും നേടിയ അദ്ദേഹം, യൂണിവേഴ്സിറ്റി കോളേജ് ഡബ്ലിനിൽ നിന്ന് ബിസിനസിൽ മാസ്റ്റേഴ്സ് പൂർത്തിയാക്കി. കൂടാതെ ട്രിനിറ്റി കോളേജ് ഡബ്ലിനിലും യൂണിവേഴ്സിറ്റി കോളേജ് കോർക്കിലും കാലാവസ്ഥാ വ്യതിയാനവുമായി ബന്ധപ്പെട്ട വിഷയത്തിൽ ഉപരി പഠനവും പൂർത്തിയാക്കിയിട്ടുണ്ട്.
ലേബർ പാർട്ടിയെ പ്രതിനിധീകരിച്ച് Dún Laoghaire-Rathdown കൗണ്ടി കൗൺസിലിൽ തെരഞ്ഞെടുക്കപ്പെട്ട അംഗമായ തോമസ് ജോസഫ്, സമൂഹ സേവനങ്ങളിലും പൊതുപ്രവർത്തന രംഗത്തും സജീവമാണ്. ബഹുസാംസ്കാരിക ഐക്യവും പ്രാദേശിക വികസനവും ലക്ഷ്യമിട്ട് നിരവധി സാമൂഹിക പ്രവർത്തനങ്ങളിൽ അദ്ദേഹം പങ്കാളിയാണ്. ഡബ്ലിൻ പ്രദേശത്ത് നിരവധി സോഷ്യൽ എന്റർപ്രൈസുകൾ സ്ഥാപിച്ചിട്ടുള്ള അദ്ദേഹം നിലവിൽ പീസ് കമ്മിഷണറായും സേവനമനുഷ്ഠിക്കുന്നു.
കമ്മീഷണർ ഫോർ ഓത്ത്സ് ആയുള്ള തോമസ് ജോസഫിന്റെ നിയമനം അയർലണ്ടിലെ പ്രവാസി സമൂഹത്തിനുള്ള പ്രധാന നേട്ടം കൂടിയാണ്. രാജ്യത്തെ കുടിയേറ്റ സമൂഹങ്ങളുടെ വർധിച്ചുവരുന്ന പങ്കാളിത്തത്തിന്റെ പ്രതിഫലനമായും ഇത് കാണപ്പെടുന്നു. ഈ ഉത്തരവാദിത്വം ഏറ്റെടുക്കുന്നതിൽ വലിയ അഭിമാനമുണ്ടെന്നും സമൂഹത്തിന് ലഭ്യമാകുന്ന പ്രൊഫഷണൽ സേവനം നൽകാൻ താൻ പ്രതിജ്ഞാബദ്ധനാണെന്നും തോമസ് ജോസഫ് പറഞ്ഞു.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
രണ്ട് കിൽക്കെന്നി മലയാളികൾ സഞ്ചരിച്ചിരുന്ന ബൈക്ക് അപകടത്തിൽപ്പെട്ടു. കിൽഡെയറിൽ നിന്ന് കിൽക്കെന്നിയിലേക്ക് യാത്ര ചെയ്യുന്നതിനിടെ കഴിഞ്ഞ രാത്രിയാണ് അപകടമുണ്ടായത്. ഒരാളുടെ…
അയർലണ്ടിലെ സെക്കൻഡ് ഹാൻഡ് ഭവന വിപണി കടുത്ത സമ്മർദം നേരിടുന്നതായി പ്രമുഖ എസ്റ്റേറ്റ് ഏജൻസിയായ Sherry FitzGeraldയുടെ പുതിയ റിപ്പോർട്ട്.…
പൊന്നോണത്തെ വരവേൽക്കാൻ ലോകമെമ്പാടുമുള്ള മലയാളികൾ ഒരുക്കങ്ങൾ തുടങ്ങിക്കഴിഞ്ഞു. പൂക്കളവും പുത്തനുടുപ്പും ഓണാഘോഷങ്ങളും പൊന്നോണസദ്യയും ചേർന്ന് തിരുവോണ ദിനം കെങ്കേമമാക്കാനുള്ള തിരക്കിലാണ്…
ഡബ്ലിൻ: നാലാം ശനിയാഴ്ചകളിൽ ഡബ്ലിനിൽ നടന്നുവരുന്ന Anointing Fire Bible Convention ( MALAYALAM), ഓഗസ്റ്റ് 22 ശനിയാഴ്ച…
അയർലണ്ടിൽ ഭവനവില ഉയരുന്ന നിരക്ക് ജൂണിൽ വീണ്ടും മന്ദഗതിയിലായതായി സെൻട്രൽ സ്റ്റാറ്റിസ്റ്റിക്സ് ഓഫിസ് (CSO) പുറത്തുവിട്ട പുതിയ കണക്കുകൾ വ്യക്തമാക്കുന്നു.…
നെജു കല്യാണി കഥയും തിരകഥയും സംവിധാനവും ചെയ്യുന്ന നാലാമത്തെ ഷോർട് ഫിലിം ആയ "ഉപ്പൻ" ഇപ്പോൾ യൂട്യൂബിൽ സ്ട്രീമിങ് നടക്കുന്നു.…