IICS ഒരുക്കുന്ന ഇന്ത്യോ- ഐറിഷ് സാംസ്കാരിക സന്ധ്യ ഒക്ടോബർ 1ന്

ഇന്ത്യയുടേയും അയർലണ്ടിന്റെയും സാംസ്കാരിക സംഗമ രാവിന് തിരിതെളിയാൻ ഇനി രണ്ട് നാൾ. അയർലണ്ടിലെ Indo-Irish Cultural Society യുടെ ആഭിമുഖ്യത്തിൽ സംഘടിപ്പിക്കുന്ന സാംസ്കാരിക പരിപാടി ഒക്ടോബർ 1ന് വൈകീട്ട് 6 മണിക്ക് Enniscorthy Presentation Hall ൽ നടക്കും.

“Pat Walsh – The life and legacy of an Irish Revolutionary” എന്ന ഡോക്യൂമെന്ററിയുടെ സംവിധായകനും, International Award ജേതാവും, ഛായാഗ്രാഹനുമായ MICHAEL BENSON നെ ചടങ്ങിൽ ആദരിക്കും. പ്രശസ്ത നർത്തകി Ruth Prithika അവതരിപ്പിക്കുന്ന ഭാരതനാട്യവും, John, Eileen Dempsey സംഘം അവതരിപ്പിക്കുന്ന പരിപാടിയും ഉണ്ടായിരിക്കും. Vista Career Solutions, Copper Chimney എന്നിവരാണ് പരിപാടിയുടെ പ്രധാന സ്പോൺസേഴ്സ്.

വൈവിധ്യമാർന്ന സംസ്ക്കാര പാരമ്പര്യങ്ങളുടെ അറിവുകളിലൂടെ ഇരു രാജ്യങ്ങളിലെ പുതിയ തലമുറയ്ക്ക് പരസ്പരം മനസ്സിലാക്കാനും ആദരിക്കുവാനും ഇത്തരം വേദികൾ ഉപകരിക്കുമെന്ന് ഇന്തോ ഐറിഷ് കൾച്ചറൽ സൊസൈറ്റിയുടെ പ്രമുഖ സംഘാടകനായ ഡോ.ജോർജ് ലെസ്ലി അറിയിച്ചു.

ഐറിഷ്- ഇന്ത്യൻ ജനതയുടെ കലാ സാംസ്കാരിക തനിമ വിളിച്ചോതുന്ന രാവിന് സാക്ഷിയാകാൻ ഏവരെയും സ്വാഗതം ചെയ്യുന്നു.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/KJDcHpwITwRG3nWGZdZGwu