യൂറോപ്യൻ രാജ്യങ്ങളിൽ ഏറ്റവും ഉയർന്ന ജീവിത നിലവാരം അയർലണ്ടിൽ

യൂറോപ്പിലെ മറ്റ് രാജ്യങ്ങളെ അപേക്ഷിച്ച് ഏറ്റവും ഉയർന്ന ജീവിത നിലവാരം അയർലണ്ടിലാണെന്ന് പുതിയ പഠനം തെളിയിക്കുന്നു. ജീവിതശൈലി മാസികയായ ഡെയ്‌ലിബേസ് നടത്തിയ പഠന പ്രകാരം, തൊഴിലില്ലായ്മ നിരക്ക്, ആരോഗ്യപരിരക്ഷ, ജീവിതച്ചെലവ്, ശമ്പളം എന്നിവയുൾപ്പെടെ 12 ഘടകങ്ങളാണ് വിശകലനം ചെയ്തത്. 100ൽ 73.72 സ്കോറോടെ അയർലണ്ടാണ് ഒന്നാം സ്ഥാനത്ത്.

2022ൽ അയർലണ്ടിന്റെ ജിഡിപി 11.97 ആയിരുന്നു, യൂറോപ്യൻ ശരാശരിയേക്കാൾ 354 ശതമാനം കൂടുതൽ. അതേസമയം വിവാഹമോചന നിരക്ക് 1,000 പേർക്ക് 0.6 മാത്രമായിരുന്നു. 69.25 സ്കോറോടെ നോർവേയാണ് രണ്ടാം സ്ഥാനത്ത്. സാക്ഷരതയിൽ നോർവേ 100 സ്കോർ ചെയ്തു. അതായത് 15 വയസും അതിൽ കൂടുതലുമുള്ള എല്ലാ താമസക്കാർക്കും വായിക്കാനും എഴുതാനും അറിയാം. 83 വയസ്സിൽ ഉയർന്ന ആയുർദൈർഘ്യവുമുണ്ട്.

68.76 സ്‌കോർ നേടിയ നെതർലൻഡ്‌സാണ് പട്ടികയിൽ അടുത്തത്. മറ്റ് യൂറോപ്യൻ രാജ്യങ്ങളുമായി താരതമ്യപ്പെടുത്തുമ്പോൾ, വളരെ കുറഞ്ഞ തൊഴിലില്ലായ്മ നിരക്ക് വെറും 3.7 ശതമാനമാണ്. പട്ടികയിൽ നാലാമതുള്ള ലക്സംബർഗ്67.9 സ്‌കോർ നേടി. 67.73 സ്കോർ നേടിയ യുകെ പട്ടികയിൽ അഞ്ചാം സ്ഥാനത്താണ്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb