അടുത്ത ആഴ്ച മുതൽ ഐറിഷ് റെയിൽ ഡബ്ലിൻ- ഡ്രോഗെഡ അധിക സർവീസ് ആരംഭിക്കും

ദ്രോഗെഡയ്ക്കും ഡബ്ലിനും ഇടയിൽ അടുത്ത ആഴ്ച മുതൽ ഒരു അധിക കമ്മ്യൂട്ടർ മോണിംഗ് സർവീസ് കൂടി ആരംഭിക്കാൻ ഐറിഷ് റെയിൽ ഒരുങ്ങുന്നു.പുതിയ സർവീസിന് നാഷണൽ ട്രാൻസ്‌പോർട്ട് അതോറിറ്റി അംഗീകാരം നൽകി, ഏപ്രിൽ 20 തിങ്കളാഴ്ച മുതൽ സർവീസ് ആരംഭിക്കും. രാവിലെ 6.05 ന് ഡ്രോഗെഡയിൽ നിന്ന് ആരംഭിക്കുന്ന പുതിയ കമ്മ്യൂട്ടർ സർവീസ്, ബാൽബ്രിഗൻ, സ്കെറീസ്, റഷ് ആൻഡ് ലസ്ക്, ഡൊണാബേറ്റ്, മലാഹൈഡ് സ്റ്റേഷനുകൾ വഴി രാവിലെ 7.09 ന് ഡബ്ലിൻ കോണോളിയിൽ എത്തിച്ചേരും.

Join GNN24X7 IRELAND Whatsapp Group 🔗https://chat.whatsapp.com/DMcx9ffd8nI5hZfAUsl96s?mode=hqrt3

ആറ് ബോഗികളുള്ള ഒരു ട്രെയിനായിരിക്കും അധിക സർവീസ് നടത്തുകയെന്നും, തുടർന്ന് രാവിലെ 7.40 ന് ഡബ്ലിൻ കൊണോലിയിൽ നിന്ന് ബെൽഫാസ്റ്റ് ഗ്രാൻഡ് സെൻട്രലിലേക്കുള്ള ട്രെയിൻ സെറ്റ് ഉപയോഗപ്പെടുത്തുമെന്നും ഐറിഷ് റെയിൽ അറിയിച്ചു. ഇതോടെ, രാവിലെ 9 മണിക്ക് മുമ്പ് സിറ്റി സെന്ററിൽ എത്തുന്ന ട്രെയിനുകളുടെ എണ്ണം ദ്രോഗെഡയിൽ നിന്ന് പത്തായി ഉയരും, 9.30 ന് മുമ്പ് എത്തുന്ന ട്രെയിനുകളുടെ എണ്ണം പന്ത്രണ്ടായി ഉയരും.

അടുത്ത വർഷം ഡ്രോഗെഡ മുതൽ ഡബ്ലിൻ വരെയുള്ള നോർത്തേൺ കമ്മ്യൂട്ടർ റൂട്ടിൽ പുതിയ ബാറ്ററി-ഇലക്ട്രിക് DART ഫ്ലീറ്റ് അവതരിപ്പിക്കുന്നതിന് മുന്നോടിയായി പുതിയ സർവീസ് വരുന്നുണ്ടെന്ന് ഐറിഷ് റെയിൽ കൂട്ടിച്ചേർത്തു. പുതിയ DART ഫ്ലീറ്റ് 2027 ന്റെ ആദ്യ പകുതിയിൽ സർവീസിൽ പ്രവേശിക്കും, കൂടാതെ നോർത്തേൺ കമ്മ്യൂട്ടർ റൂട്ടിലെ നിലവിലുള്ള ഇന്റർസിറ്റി, കമ്മ്യൂട്ടർ ട്രെയിനുകൾക്ക് പകരമായിരിക്കും.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==