ജാക്ക് ചേമ്പേഴ്‌സ് പുതിയ ധനകാര്യ മന്ത്രി

അയർലണ്ടിൻ്റെ അടുത്ത യൂറോപ്യൻ കമ്മീഷണറായി മൈക്കൽ മഗ്രാത്തിനെ സർക്കാർ നാമനിർദ്ദേശം ചെയ്തതിന് പിന്നാലെ ജാക്ക് ചേമ്പേഴ്‌സിനെ പുതിയ ധനകാര്യ മന്ത്രിയായി പ്രഖ്യാപിച്ചു. ജാക്ക് ചേമ്പേഴ്‌സ് ഡബ്ലിൻ വെസ്റ്റ് ടിഡിയായി ആദ്യമായി 2016-ൽ ഡെയിലിലേക്ക് തിരഞ്ഞെടുക്കപ്പെട്ടു. ഗതാഗത വകുപ്പിലെ സഹമന്ത്രിയായിരുന്നു. ധനമന്ത്രിയായി ചേംബേഴ്സിൻ്റെ ഔദ്യോഗിക നിയമനം നാളെ നടക്കും.33 കാരനായ അദ്ദേഹം 2020 മുതൽ 2022 വരെ സർക്കാർ ചീഫ് വിപ്പായി സേവനമനുഷ്ഠിച്ചു.

പ്രാദേശിക തിരഞ്ഞെടുപ്പ് പ്രചാരണം സംഘടിപ്പിക്കുന്നതിലെ അദ്ദേഹത്തിൻ്റെ വൈദഗ്ധ്യത്തെ പരിഗണിച്ച് Tánaiste മൈക്കൽ മാർട്ടിനോടൊപ്പം അദ്ദേഹത്തെ ഫിയന്ന ഫെയ്ൽ ഡെപ്യൂട്ടി ലീഡറായി നിയമിച്ചു. രാജ്യത്തെ റോഡുകളിലെ വേഗപരിധി കുറയ്ക്കുന്നതിന് നേതൃത്വം നൽകിയ ഗതാഗത വകുപ്പിലെ സഹമന്ത്രിയായിരുന്നു ചേംബേഴ്‌സ്. ഐറിഷ് സമ്പദ്‌വ്യവസ്ഥ മികച്ച നില കൈവരിച്ചിരിക്കുന്ന സമയത്താണ് താൻ ധനകാര്യ വകുപ്പ് വിടുന്നതെന്ന് ഇന്ന് പത്രസമ്മേളനത്തിൽ സംസാരിക്കവെ മഗ്രാത്ത് പറഞ്ഞു.ധനകാര്യ വകുപ്പിൽ തൻ്റെ പിൻഗാമിയായി നിയമിതനായ മിസ്റ്റർ ചേമ്പേഴ്സിനെ അദ്ദേഹം അഭിനന്ദിച്ചു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb