“കേരള ഹൗസ് കാർണിവൽ 2026” കൗണ്ട്ഡൗൺ; മഹാമേളയ്ക്ക് ഇനി ഒരു നാൾ മാത്രം

സംഗീതവും സംസ്കാരവും വിനോദവും താരസാന്നിധ്യവും ഒരേ വേദിയിൽ ഒന്നിക്കുന്ന കേരള ഹൗസ് കാർണിവൽ 2026ന് വമ്പൻ ഒരുക്കങ്ങളാണ് പൂർത്തിയായിരിക്കുന്നത്. കേരളത്തിന്റെ പാരമ്പര്യവും ഐർലണ്ടിന്റെ ആവേശവും കൈകോർക്കുന്ന ഈ മെഗാ ഇവന്റിൽ ആയിരക്കണക്കിന് ആളുകൾ പങ്കെടുക്കുമെന്നാണ് പ്രതീക്ഷിക്കുന്നത്. ഫെയറിഹൗസ് റേസ്‌കോഴ്‌സ് ജൂൺ 20ന് ആഘോഷനഗരമായി മാറും. ഈ വർഷത്തെ ഫെസ്റ്റിന്റെ ഏറ്റവും വലിയ ആകർഷണം മലയാളത്തിന്റെ പ്രിയതാരം മഞ്ജു വാര്യർ നമുക്ക് മുന്നിലേക്ക് എത്തുന്നു എന്നത് തന്നെയാണ്.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

രാവിലെ മുതൽ രാത്രി വരെ നീളുന്ന ആഘോഷത്തിൽ സംഗീത ബാൻഡുകൾ, സാംസ്കാരിക പരിപാടികൾ, ഫാഷൻ ഷോ, കുട്ടികൾക്കും മുതിർന്നവർക്കുമായി വിവിധ മത്സരങ്ങൾ, ടഗ് ഓഫ് വാർ, പെനാൽറ്റി ഷൂട്ടൗട്ട്, ഡാൻസ് ഫെസ്റ്റ്, കുക്കറി ഷോ, ഫേസ് പെയിന്റിംഗ്, ബൗൺസിംഗ് കാസിൽ, കാർണിവൽ റൈഡുകൾ തുടങ്ങി കുടുംബസമേതം ആസ്വദിക്കാവുന്ന നിരവധി പരിപാടികളാണ് ഒരുക്കിയിരിക്കുന്നത്. കഴിഞ്ഞ വർഷങ്ങളിലെ വൻ വിജയങ്ങൾക്ക് ശേഷം ഇത്തവണയും മെഗാ തിരുവാതിര കൂടുതൽ വിപുലമായ രീതിയിൽ അവതരിപ്പിക്കുന്നു.

വൈകുന്നേരം ആസ്വാദകരെ ആവേശത്തിലാഴ്ത്താൻ ലക്ഷ്മി ജയനും സംഘവും സംഗീതവിരുന്നുമായി വേദിയിലെത്തും. കൂടാതെ മലയാളികളുടെ പ്രിയ അവതാരകൻ Rj മിഥുനും മേളയുടെ ഭാഗമാകും.

കേരളത്തിന്റെ നിറങ്ങളും നാടൻ കലകളുടെയും സൗന്ദര്യവും ഐർലണ്ടിന്റെ മണ്ണിൽ വീണ്ടും വിരിയുന്ന ദിനത്തിനായി ഇനി മണിക്കൂറുകൾ മാത്രം ബാക്കി. കേരള ഹൗസ് കാർണിവൽ 2026ന്റെ മീഡിയ പാർട്ണറായി GNN 24×7 അയർലണ്ടും കൈകോർക്കുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==