അയർലണ്ടിലെ വിദേശ നേഴ്സുമാരുടെ പ്രശ്നങ്ങൾക്ക് ശാശ്വത പരിഹാരം തേടി MNI മറ്റൊരു ചരിത്ര ദൗത്യത്തിന് കൂടി തുടക്കമ്മിട്ടിരിക്കുകയാണ്.Atypical Working Scheme (AWS) അപേക്ഷാ പ്രക്രിയയ്ക്കിടെയുള്ള അകാരണമായ കാലതാമസവും, അപേക്ഷകൾ നിരസിക്കുന്നതും വർദ്ധിച്ചതോടെ വിദേശ നഴ്സുമാർ അഭിമുഖീകരിക്കുന്ന പ്രശ്നങ്ങൾ അധികൃതരുടെ ശ്രദ്ധയിൽപ്പെടുത്താൻ മൈഗ്രന്റ് നഴ്സസ് അയർലൻഡ് (MNI) ബഹുജന നിവേദനം നൽകുന്നു.Ministers of Justice/Enterprise, Trade and Employment/Health എന്നിവർക്ക് നൽകാനുള്ള പരാതിയിൽ നേഴ്സുമാരുടെ ഒപ്പ് ശേഖരണം MNI ആരംഭിച്ചു. ചുവടെ നൽകിയിരിക്കുന്ന ലിങ്ക് വഴി, നിവേദനത്തിൽ ഒപ്പിട്ട് നിങ്ങളുടെ പിന്തുണയും ഉറപ്പാക്കുക.
ലിങ്ക് : https://chng.it/R2jmBSrRsK
AWS അപേക്ഷയ്ക്കുള്ള സമയപരിധി 20 ദിവസത്തിൽ നിന്ന് 30 പ്രവൃത്തി ദിവസമായി വർദ്ധിപ്പിച്ച തീരുമാനം അപേക്ഷകരെ കൂടുതൽ ബുദ്ധിമുട്ടിലാക്കി. AWS പെർമിറ്റുകളുടെ പ്രോസസ്സിംഗിലെ സമയപരിധിയുടെ വിപുലീകരണം, നഴ്സിംഗ് രജിസ്ട്രേഷൻ പ്രക്രിയയുടെ മറ്റ് ഘട്ടങ്ങളെ സാരമായി ബാധിച്ചു. ഈ നഴ്സുമാർക്ക് RCSI ഒബ്ജക്റ്റീവ് സ്ട്രക്ചർഡ് ക്ലിനിക്കൽ എക്സാമിനേഷൻ (OSCE) പരീക്ഷാ തീയതി മാറ്റിവയ്ക്കേണ്ട സ്ഥിതിയാണിപ്പോൾ. കൂടാതെ ഇവരുടെ Decision Lettersസും , IELTS/OET യും കാലഹരണപ്പെടുന്നു.
AWS പെർമിറ്റ് അപേക്ഷകൾ നിരസിക്കപ്പെടുകയോ, ‘Further Information Required’ (FIR) അന്വേഷണങ്ങൾക്ക് വിധേയരാകുകയോ ചെയ്തിട്ടുണ്ട്. മെറ്റാഡാറ്റ ക്ലാരിഫിക്കേഷൻ, WRC (വർക്ക്പ്ലേസ് റിലേഷൻസ് കമ്മീഷൻ) രജിസ്ട്രേഷൻ, അപേക്ഷാ സമർപ്പണം, മൂന്നാം കക്ഷി ക്രെഡിറ്റ് കാർഡ് പേയ്മെന്റ് എന്നിവയിലെ പ്രശ്നങ്ങൾ ഉൾപ്പെടെ, അപേക്ഷാ നടപടിയിലുടനീളം, ഈ നഴ്സുമാർ നിരസിക്കപ്പെടുകയാണ്. കൂടാതെ, പാസ്പോർട്ടിന്റെ ഡിജിറ്റൽ പകർപ്പുകൾ, കരാറിലെ ഡിജിറ്റൽ ഒപ്പ്, അംഗീകാര കത്ത് എന്നിവ നൽകുന്നതിനുള്ള ആവശ്യകതകൾ കാര്യമായ ആശയക്കുഴപ്പം സൃഷ്ടിച്ചു. പല കേസുകളിലും, പല കാരണങ്ങളാൽ പേപ്പർവർക്കുകളുടെ ഡിജിറ്റൽ സ്കാൻ പകർപ്പുകൾ അനുവദിക്കുന്നില്ല. കൂടാതെ അപേക്ഷകരോട് ഡോക്യുമെന്റേഷൻ വീണ്ടും സമർപ്പിക്കാനും പറഞ്ഞിട്ടുണ്ട്.
കുടിയേറ്റ നഴ്സുമാരെ പ്രതിനിധീകരിക്കുന്ന സംഘടന എന്ന നിലയിൽ, ഈ പ്രശ്നം അധികാരികളിലേക്ക് എത്തിക്കുന്നതും, നിലവിലെ സ്ഥിതികൾക്ക് പരിഹാരം നേടേണ്ടതും തങ്ങളുടെ പ്രതിബദ്ധതയാണെന്ന് MNI അറിയിച്ചു.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/BhPDTny97p6JYunSO4wSHL
അയർലണ്ടിലെ ഡബ്ലിൻ നഗരത്തിൽ താമസക്കാർക്ക് അനുവദിക്കുന്ന റെസിഡന്റ്സ് പാർക്കിങ് പെർമിറ്റിന്റെ നിരക്ക് 2027 ജനുവരി മുതൽ 30 ശതമാനം വർധിപ്പിക്കും.…
On Sunday, 6 December 2026, the Express Yourself – Christmas Multicultural Festival will bring together…
അയർലണ്ടിൽ 16, 17 വയസ്സുള്ള കൗമാരക്കാർക്ക് ഫൂഡ് -ബീവറേജ്സ് മേഖലയിൽ രാത്രി 11 മണിവരെ ജോലി ചെയ്യാൻ അനുമതി നൽകുന്ന…
ഡബ്ലിൻ: മലയാളി മനസ്സുകളെ സംഗീതത്തിന്റെ നാദധാരയിൽ കോർത്തിണക്കുന്ന വേൾഡ് മലയാളി ഫെഡറേഷന്റെ പുതിയ സംഗീത-ആസ്വാദക വേദിയായ 'WMF മെഹ്ഫിൽ ഇന്റർനാഷണലിന്റെ'…
അയർലണ്ടിൽ വിദേശ വിദ്യാർത്ഥികൾക്ക് പഠന വിസ അനുവദിക്കുന്നതിലെ നിയന്ത്രണങ്ങൾ രാജ്യത്തെ സർവകലാശാലകളുടെ സാമ്പത്തിക സ്ഥിതിയെ ബാധിക്കുന്നതായി വിദ്യാഭ്യാസ മേഖലയിലെ ഉന്നതർ.…
ഡബ്ലിൻ : നാലാം ശനിയാഴ്ചകളിൽ ഡബ്ലിനിൽ നടന്നുവരുന്ന Anointing Fire Bible Convention (മലയാളം), നവംബർ 28 ശനിയാഴ്ച Blessed…