ജോലിസ്ഥലത്തുണ്ടാകുന്ന അക്രമസംഭവങ്ങൾ ഏറ്റവും കൂടുതൽ ആരോഗ്യ സംരക്ഷണ മേഖലയിൽ

അയർലണ്ടിൽ കഴിഞ്ഞ വർഷം ജോലിസ്ഥലങ്ങളിൽ നടന്ന അക്രമ സംഭവങ്ങളിൽ ഏകദേശം 60 ശതമാനവും ആരോഗ്യ, പരിചരണ മേഖലകളിലാണ്. പുതിയ കണക്കുകൾ പ്രകാരം ജോലിസ്ഥലത്തെ എല്ലാ പരിക്കുകളുടെയും നാലിലൊന്ന് ഈ മേഖലകളിൽ നിന്നാണ്. ഏറ്റവും പുതിയ ഹെൽത്ത് ആൻഡ് സേഫ്റ്റി അതോറിറ്റി (HSA) സ്ഥിതി വിവരക്കണക്കുകൾ പ്രകാരം, കഴിഞ്ഞ വർഷം ജോലിസ്ഥലങ്ങളിൽ 8,700 അക്രമസംഭവങ്ങളുണ്ടായി. അതിൽ 2,050 എണ്ണം ആരോഗ്യം, സാമൂഹിക പരിചരണം, അനുബന്ധ മേഖലകളിലാണ്.

നഴ്‌സുമാർ, കെയർ അസിസ്റ്റന്റ്സ്, സാമൂഹിക പ്രവർത്തകർ തുടങ്ങിയ ജീവനക്കാരാണ് അക്രമ സംഭവങ്ങളുടെയും 59 ശതമാനവും നേരിട്ടത്. ഏറ്റവും പുതിയ CSO സ്ഥിതിവിവരക്കണക്കുകൾ പ്രകാരം, രാജ്യത്ത് ജോലി ചെയ്യുന്നവരിൽ 13 ശതമാനം ആളുകളും (2.6 ദശലക്ഷത്തിൽ 350,000) ആരോഗ്യ, സാമൂഹിക പ്രവർത്തന മേഖലകളിലാണ്. HSA റിപ്പോർട്ട് പ്രകാരം, ജോലിസ്ഥലങ്ങളിലെ അക്രമ സംഭവങ്ങളിൽ വർഷം തോറും 8 ശതമാനം വർദ്ധനവ് രേഖപ്പെടുത്തുന്നു, ഇത് തുടർച്ചയായ രണ്ടാമത്തെ വർദ്ധനവാണ്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb