ഓസ്കാർ ജേതാവും സംഗീതജ്ഞനുമായ ഗ്ലെൻ ഹാൻസാർഡ് ഡബ്ലിനിൽ വാഹനാപകടത്തിൽ മരിച്ചു

ഓസ്കാർ ജേതാവും പ്രശസ്ത ഐറിഷ് ഗായകനും ഗാനരചയിതാവും ദി ഫ്രെയിംസ് (The Frames) ബാൻഡിന്റെ മുൻനിര ഗായകനുമായ ഗ്ലെൻ ഹാൻസാർഡ് (56) ഡബ്ലിനിൽ ഉണ്ടായ വാഹനാപകടത്തിൽ മരിച്ചു. അദ്ദേഹത്തിന്റെ മാനേജ്മെന്റ് സ്ഥാപനമായ ATC Management ആണ് മരണവിവരം സ്ഥിരീകരിച്ചത്. ഡബ്ലിൻ നഗരത്തിലെ ചാപ്പലിസോഡ് (Chapelizod) പ്രദേശത്തിന് സമീപമുള്ള സ്ട്രോബെറി ബെഡ്സ് (Strawberry Beds) റോഡിൽ ഇന്ന് പുലർച്ചെയുണ്ടായ മോട്ടോർസൈക്കിൾ അപകടത്തിലാണ് അദ്ദേഹം മരിച്ചത്.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

സംഭവത്തിൽ ഗാർഡയുടെ അന്വേഷണം പുരോഗമിക്കുന്നതിനാൽ കൂടുതൽ വിവരങ്ങൾ ഇപ്പോൾ പുറത്തുവിടില്ലെന്നും പ്രസ്താവനയിൽ പറയുന്നു. ഇന്ന് പുലർച്ചെ 4.30-ഓടെയാണ് R109 റോഡിൽ അപകടമുണ്ടായതെന്ന് ഗാർഡ അറിയിച്ചു. സംഭവസ്ഥലത്ത് തന്നെ ചികിത്സ നൽകിയെങ്കിലും അദ്ദേഹത്തിന്റെ ജീവൻ രക്ഷിക്കാനായില്ല. അപകടത്തെ തുടർന്ന് R121 മുതൽ Rugged Lane വരെയുള്ള റോഡ് ഗതാഗതത്തിനായി താൽക്കാലികമായി അടച്ചിരുന്നു. സംഭവത്തിൽ അന്വേഷണം പുരോഗമിക്കുകയാണെന്നും, അപകടം കണ്ടവരോ ഡാഷ്‌ക്യാം ദൃശ്യങ്ങളോ മറ്റ് വിവരങ്ങളോ കൈവശമുള്ളവർ മുന്നോട്ടുവരണമെന്നും ഗാർഡ അഭ്യർഥിച്ചു.

1970 ഏപ്രിൽ 21-ന് ഡബ്ലിനിലെ ബാലിമണിൽ ജനിച്ച ഗ്ലെൻ ഹാൻസാർഡ് ചെറുപ്പത്തിൽ തന്നെ ഡബ്ലിൻ തെരുവുകളിൽ സംഗീതം അവതരിപ്പിച്ചുകൊണ്ടാണ് തന്റെ സംഗീതയാത്ര ആരംഭിച്ചത്. 1990-ൽ അദ്ദേഹം ദി ഫ്രെയിംസ് ബാൻഡിന് രൂപം നൽകി. ബാൻഡിന്റെ മുഖ്യഗായകനായും ഗിറ്റാറിസ്റ്റായും ഗാനരചയിതാവായും അദ്ദേഹം ഐറിഷ് സംഗീതലോകത്ത് ശ്രദ്ധേയനായി. 1991-ൽ പുറത്തിറങ്ങിയ ആലൻ പാർക്കറുടെ ദി കമ്മിറ്റ്മെന്റ്സ് (The Commitments) എന്ന സിനിമയിലൂടെ അഭിനയരംഗത്തും അദ്ദേഹം ശ്രദ്ധ നേടി. തുടർന്ന് RTÉയുടെ ജനപ്രിയ സംഗീതപരിപാടിയായ Other Voices-ന്റെ ആദ്യ അവതാരകനായും പ്രവർത്തിച്ചു.

2007-ൽ പുറത്തിറങ്ങിയ Once എന്ന ചിത്രമാണ് ഗ്ലെൻ ഹാൻസാർഡിന് ആഗോള പ്രശസ്തി നേടിക്കൊടുത്തത്. ചെക്ക് സംഗീതജ്ഞ മാർക്കേറ്റ ഇർഗ്ലോവയോടൊപ്പം അദ്ദേഹം അഭിനയിക്കുകയും സംഗീതം ഒരുക്കുകയും ചെയ്ത ചിത്രത്തിലെ Falling Slowly എന്ന ഗാനത്തിന് 2008-ലെ അക്കാദമി അവാർഡിൽ മികച്ച ഒറിജിനൽ ഗാനത്തിനുള്ള ഓസ്കാർ ലഭിച്ചു. Once എന്ന ചിത്രത്തിന്റെ വിജയം പിന്നീട് ബ്രോഡ്‌വേ സംഗീതനാടകമായും മാറി. എട്ട് Tony Awards നേടിയ ഈ നാടകം ഹാൻസാർഡിന്റെ സംഗീതജീവിതത്തിലെ മറ്റൊരു പ്രധാന നേട്ടമായിരുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==