ചൈൽഡ് ബെനിഫിറ്റ് പേയ്‌മെന്റ് ഇരട്ടിയാക്കും: പ്രഖ്യാപനം സെപ്റ്റംബറിൽ

ഡബ്ലിൻ: രക്ഷിതാകൾക്ക് വരും മാസങ്ങളിൽ ഡബിൾ ചൈൽഡ് ബെനിഫിറ്റ് പേയ്‌മെന്റ് ലഭിക്കും. പ്രതിമാസം 140 യൂറോ ചൈൽഡ് ബെനിഫിറ്റ് പേയ്‌മെന്റ് ലഭിക്കുന്നവർക്ക് ഇരട്ടി തുക സർക്കാർ പരിഗണിക്കുന്നതായി ഐറിഷ് ഇൻഡിപെൻഡന്റ് റിപ്പോർട്ട് ചെയ്യുന്നു. ബജറ്റ് ദിനത്തിൽ പ്രഖ്യാപിക്കാൻ പോകുന്ന ജീവിതച്ചെലവ് പാക്കേജിന്റെ ഭാഗമാണിത്.

ഒരു കുട്ടിയുണ്ടെങ്കിൽ ഒറ്റത്തവണ 280 യൂറോയും രണ്ട് കുട്ടികൾ ഉണ്ടെങ്കിൽ 560 യൂറോയും ലഭിക്കും കുന്ന മാതാപിതാക്കൾക്ക് ഈ നീക്കം വലിയ സഹായകമാകും. ഈ നയം സഖ്യകക്ഷികൾ അംഗീകരിച്ചാൽ മൂന്ന് കുട്ടികളുള്ള ഒരു കുടുംബത്തിന് 840 യൂറോ ലഭിക്കും. ഒരു കുട്ടിക്ക് സാധാരണ നിരക്കിന്റെ ഒന്നര ഇരട്ടി ലഭിക്കുന്നതിനാൽ ഇരട്ടകളുള്ള ഒരു കുടുംബത്തിനും 840 യൂറോ ലഭിക്കും.
ചർച്ച ചെയ്യപ്പെടുന്ന പദ്ധതികൾ പ്രകാരം, ഇരട്ടി തുക ക്രിസ്മസിന് മുമ്പ് നൽകും.

ജീവിതച്ചെലവ് പാക്കേജിന്റെ ഭാഗമായി ചർച്ച ചെയ്യുന്ന നടപടികളിൽ ഒന്ന് മാത്രമാണിത്. നടപടികൾ സെപ്തംബർ 27 ന് പ്രഖ്യാപിക്കും. പെട്ടെന്ന് ജോലി നഷ്ടപ്പെട്ട ആളുകൾക്ക് ഉയർന്ന സാമൂഹിക ക്ഷേമ പേയ്‌മെന്റിനെക്കുറിച്ച് സർക്കാർ ചർച്ച ചെയ്യുന്നു. നിലവിലെ തൊഴിലന്വേഷകരുടെ ബെനഫിറ്റ് നിരക്ക് 208 യൂറോ ആണ്. എന്നാൽ വരുമാനനഷ്ടവുമായി പൊരുത്തപ്പെടാൻ അവരെ സഹായിക്കുന്നതിനായി ഉയർന്ന നിരക്ക് സർക്കാർ പരിഗണിക്കുന്നുണ്ട്.