അയർലണ്ടിൽ സ്റ്റേറ്റ് പെൻഷൻ നേടാനുള്ള പ്രായ പരിധി 66 ആയി തുടരുമെന്നും, ഉയർന്ന പേയ്മെന്റുകൾക്ക് പകരമായി ആളുകൾക്ക് 70 വരെ ജോലി ചെയ്യാനുള്ള അവസരം നൽകുമെന്നും സാമൂഹിക സംരക്ഷണ മന്ത്രി ഹീതർ ഹംഫ്രീസ്. ദീർഘകാലമായി പരിചരണം നൽകുന്നവർക്കും ആദ്യമായി പെൻഷൻ നൽകും. 60-കളുടെ തുടക്കത്തിൽ ജോലിയിൽ തുടരാൻ കഴിയാത്ത ആളുകളെ പിന്തുണയ്ക്കുന്നതിനായി പുതിയ പദ്ധതി രൂപീകരിക്കുമെന്നും മന്ത്രി പറഞ്ഞു.
ഇതിന്റെ വിശദാംശങ്ങൾ അടുത്ത വർഷം കാബിനറ്റിൽ അവതരിപ്പിക്കും. രാജ്യത്തിന്റെ ആരോഗ്യകരമായ സാമ്പത്തിക സ്ഥിതിയുടെ പശ്ചാതലത്തിൽ പെൻഷൻ വർദ്ധനവ് പരിഗണിക്കുമെന്നും, അവ ക്രമേണ അവതരിപ്പിക്കുമെന്നും ഹംഫ്രീസ് പറഞ്ഞു. 50,000 യൂറോ സമ്പാദിക്കുന്ന ഒരാൾക്ക് പിആർഎസ്ഐയിൽ 1,200 യൂറോ അധികമായി നൽകേണ്ടിവരുമെന്ന് പ്രവചിച്ച ഐറിഷ് ഫിസ്ക്കൽ അഡൈ്വസറി കൗൺസിലിന്റെ റിപ്പോർട്ടിൽ പ്രതികരിക്കുകയായിരുന്നു മന്ത്രി.
പെൻഷൻ കമ്മിഷന്റെ ശുപാർശകൾക്കനുസൃതമായി മന്ത്രിസഭായോഗം അംഗീകരിച്ച പരിഷ്കാരങ്ങൾ:
സ്റ്റേറ്റ് പെൻഷൻ പ്രായം 66 ആയി നിലനിർത്തുകയും ഒരു പുതിയ ഫ്ലെക്സിബിൾ പെൻഷൻ പ്രായ മാതൃക അവതരിപ്പിക്കുകയും ചെയ്യും. 2024 ജനുവരി മുതൽ, ഉയർന്ന പെൻഷനുപകരം 70 വയസ്സ് വരെ ജോലിയിൽ തുടരാനുള്ള അവസരം ആളുകൾക്ക് ലഭിക്കും. പെൻഷൻ കമ്മീഷൻ ശുപാർശ ചെയ്ത പ്രകാരം, 2024 ജനുവരി മുതൽ 10 വർഷത്തേക്ക് ഘട്ടം ഘട്ടമായി വ്യക്തിഗത പെൻഷൻ അർഹതകൾ കണക്കാക്കുന്നതിനുള്ള Total Contributions Approach ലേക്ക് മാറും.
2024 ജനുവരി മുതൽ ദീർഘകാല പരിചരണം നൽകുന്നവർക്കായി മെച്ചപ്പെടുത്തിയ പെൻഷൻ വ്യവസ്ഥ അവതരിപ്പിക്കും. ഇതു വഴി, ഒരാളെ പരിപാലിക്കുന്നതിനായി ദീർഘകാലത്തേക്ക് ജോലി ഉപേക്ഷിക്കേണ്ടിവരുന്ന ആളുകൾക്ക് അവരുടെ സേവനം കണക്കായി പെൻഷൻ നൽകും.
ഐറിഷ് പെൻഷൻ ആസൂത്രണത്തിൽ കാര്യമായ പോരായ്മകൾ നിലനിൽക്കുന്നുണ്ടെന്ന് പുതിയ ഗവേഷണം ചൂണ്ടി കാണിക്കുന്ന സാഹചര്യത്തിലാണ് പെൻഷൻ പരിഷ്കരണ പ്രഖ്യാപനങ്ങൾ വരുന്നത്. ഗവേഷണത്തിൽ പങ്കെടുത്ത 38% പേർക്ക് പെൻഷൻ ലഭിക്കാത്തവരാണ്. നിരവധി യൂറോപ്യൻ യൂണിയൻ രാജ്യങ്ങളിൽ നിലവിലുള്ള സംവിധാനങ്ങൾക്ക് സമാനമായി അയർലണ്ടും ഫ്ലെക്സിബിൾ പെൻഷൻ പ്രായം മോഡലിലേക്ക് മാറുകയാണെന്ന് ഹംഫ്രീസ് പറഞ്ഞു.
ഈ പുതിയ മാതൃകയ്ക്ക് കീഴിൽ ആളുകൾക്ക് വിരമിക്കുന്നതിനും 66 വയസ്സിൽ പെൻഷൻ നേടുന്നതിനും കഴിയും. അടുത്ത പത്ത് വർഷത്തിനുള്ളിൽ, ആളുകളുടെ പെൻഷൻ നിരക്കുകൾ അവർ എത്ര വർഷം പ്രവർത്തിച്ചുവെന്നും സംഭാവനകൾ അടയ്ക്കുന്നുവെന്നും ഉറപ്പുവരുത്തുന്ന രീതിയിലേക്ക് മാറും. സ്റ്റേറ്റ് പെൻഷൻ സമ്പ്രദായം ഭാവിയിൽ സുസ്ഥിരമാണെന്ന് ഉറപ്പുവരുത്തുന്നതിനുള്ള ഒരു നിർണായക ചുവടുവെയ്പ്പായിരിക്കും ഇതെന്നും മന്ത്രി പറഞ്ഞു.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക
https://chat.whatsapp.com/KJDcHpwITwRG3nWGZdZGwu
മാജിക്ക് പ്രധാന പശ്ചാത്തലമാക്കി പ്രജേഷ് സെൻ തിരക്കഥ രചിച്ച് സംവിധാനം ചെയ്യുന്ന ഹൗഡിനി എന്ന ചിത്രത്തിൻ്റെ ഫസ്റ്റ് ലുക്ക് പുറത്തുവിട്ടു.…
പ്രശസ്ത ജർമ്മൻ ഫാഷൻ റീട്ടെയിലറായ ന്യൂയോർക്കർ ഡബ്ലിനിൽ തങ്ങളുടെ ഐറിഷ് സ്റ്റോർ തുറക്കാൻ ഒരുങ്ങുന്നു. ലോകമെമ്പാടുമായി ഇതിനകം 1,300-ലധികം ഔട്ട്ലെറ്റുകൾ…
ദുരന്ത നിവാരണ പ്രവർത്തനങ്ങളുടെ ഭാഗമായി കേന്ദ്ര സർക്കാർ നടപ്പിലാക്കുന്ന 'സെൽ ബ്രോഡ്കാസ്റ്റ് അലേർട്ട് രാജ്യവ്യാപകമായുള്ള പരിശോധന നടത്തി.എമർജൻസി വാണിങ് സിസ്റ്റത്തിന്റെ…
വാഷിംഗ്ടൺ: യൂറോപ്യൻ യൂണിയനിൽ (EU) നിന്നുള്ള കാറുകൾക്കും ട്രക്കുകൾക്കും മറ്റ് വാഹന ഭാഗങ്ങൾക്കും ഇറക്കുമതി തീരുവ 25 ശതമാനമായി വർദ്ധിപ്പിക്കുമെന്ന്…
ടെക്സസ്: മുപ്പത് വർഷത്തിലേറെയായി അമേരിക്കയിൽ താമസിക്കുന്ന ഇന്ത്യൻ വംശജയായ കോടതി വിവർത്തക മീനു ബത്രയെ ഫെഡറൽ കസ്റ്റഡിയിൽ നിന്ന് മോചിപ്പിച്ചു.…
വാഷിംഗ്ടൺ: തൊഴിലാളി അവകാശങ്ങൾക്കും കുടിയേറ്റ വിരുദ്ധ നടപടികൾ അവസാനിപ്പിക്കണമെന്നാവശ്യപ്പെട്ടും വാഷിംഗ്ടൺ സ്റ്റേറ്റിൽ മെയ് ദിനത്തിൽ വൻ പ്രതിഷേധം. ട്രംപ് ഭരണകൂടത്തിന്റെ…