ബോയിംഗ് ഡെലിവറി വൈകുന്നു; Ryanair ശൈത്യകാല ഷെഡ്യൂൾ വെട്ടിക്കുറച്ചു

ബോയിംഗ് വിമാനങ്ങളുടെ വിതരണത്തിലെ കാലതാമസത്തെത്തുടർന്ന് Ryanair തങ്ങളുടെ ശൈത്യകാല ഷെഡ്യൂൾ വെട്ടിക്കുറച്ചതായി പ്രഖ്യാപിച്ചു. സെപ്തംബർ, ഡിസംബർ മാസങ്ങളിൽ 27 വിമാനങ്ങൾ വിതരണം ചെയ്യുമെന്ന് പ്രതീക്ഷിച്ചിരുന്നതായി ബോയിംഗിന്റെ ഏറ്റവും വലിയ ഉപഭോക്താക്കൾ കൂടിയായ റയാൻഎയർ പ്രസ്താവനയിൽ പറഞ്ഞു. ഇപ്പോൾ ഒക്ടോബറിനും ഡിസംബറിനുമിടയിൽ 14 വിമാനങ്ങൾ മാത്രമേ ലഭിക്കൂ എന്നാണ് അറിയുന്നത്.

ഫ്ലൈറ്റ് റദ്ദാക്കലുകൾ ഒക്ടോബർ അവസാനം മുതൽ പ്രാബല്യത്തിൽ വരുമെന്നും വരും ദിവസങ്ങളിൽ എല്ലാ യാത്രക്കാരെയും ഇമെയിൽ വഴി ഇക്കാര്യം അറിയിക്കുമെന്നും റയാൻ എയർ അറിയിച്ചു.യാത്രക്കാർക്ക് ഇതര ഫ്ലൈറ്റുകളിൽ യാത്രാസൗകര്യം ഒരുക്കുകയോ, അല്ലെങ്കിൽ അവർ ആഗ്രഹിക്കുന്ന രീതിയിൽ മുഴുവൻ പണം തിരികെ നൽകുകയോ ചെയ്യുമെന്ന് റയാൻഎയർ ഗ്രൂപ്പ് ചീഫ് എക്സിക്യൂട്ടീവ് മൈക്കൽ ഒലിയറി പറഞ്ഞു.

ബോയിംഗ് കാലതാമസവും എയർ ട്രാഫിക് കൺട്രോൾ സ്ട്രൈക്കുകളുടെ ആഘാതവും ചൂണ്ടിക്കാട്ടി Ryanair ഇതിനകം അതിന്റെ മുഴുവൻ വർഷത്തെ യാത്രക്കാരുടെ പ്രവചനം ജൂലൈയിൽ 185 ദശലക്ഷത്തിൽ നിന്ന് വെട്ടിക്കുറച്ചു. ബെൽജിയത്തിലെ Charleroi വിമാനത്താവളത്തിൽ നിന്ന് മൂന്ന് വിമാനങ്ങളും ഡബ്ലിനിൽ നിന്ന് രണ്ട് വിമാനങ്ങളും Bergamo, Naples, Pisa എന്നിവയുൾപ്പെടെ ഇറ്റാലിയൻ വിമാനത്താവളങ്ങളിൽ നിന്ന് അഞ്ച് വിമാനങ്ങളും വെട്ടിക്കുറയ്ക്കുമെന്ന് റയാൻ എയർ അറിയിച്ചു.

യുകെയിലെ ഈസ്റ്റ് മിഡ്‌ലാൻഡ്‌സ് വിമാനത്താവളം, പോർച്ചുഗലിലെ പോർട്ടോ, ജർമ്മനിയിലെ കൊളോൺ എന്നിവിടങ്ങളിൽ വിമാനങ്ങൾ കുറയ്ക്കുമെന്നും റിപ്പോർട്ടിൽ പറയുന്നു. ഈ സീസണിൽ ഡബ്ലിനിൽ നിന്നുള്ള 17 റൂട്ടുകൾ റദ്ദാക്കിയതായും 19 വിമാനങ്ങളുടെ ബോയിംഗ് “ഗെയിംചേഞ്ചർ” ഫ്ലീറ്റും യൂറോപ്യൻ യൂണിയനിലെ മറ്റ് വിമാനത്താവളങ്ങളിലേക്ക് മാറ്റുമെന്നും എയർലൈൻ അറിയിച്ചു.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb