കോവിഡ് -19 കേസുകളിൽ ഗണ്യമായ വർദ്ധനവ്; ഒരാഴ്ചയ്ക്കിടെ മൂന്ന് മരണം: HPSC

അയർലണ്ടിൽ ഈ ആഴ്ച കോവിഡ് -19 സ്ഥിരീകരിച്ച കേസുകളുടെ എണ്ണത്തിൽ ഗണ്യമായ വർധനയുണ്ടായി. മുൻപുള്ള ആഴ്ചയിൽ 650 കേസുകളുണ്ടായിരുന്നു. കഴിഞ്ഞ ശനിയാഴ്ച വരെയുള്ള ആഴ്‌ചയിൽ 1,049 കേസുകൾ സ്ഥിരീകരിച്ചതായി ഹെൽത്ത് പ്രൊട്ടക്ഷൻ സർവൈലൻസ് സെൻ്റർ (എച്ച്‌പിഎസ്‌സി) അറിയിച്ചു. കേസുകളിൽ 60% വർധന. 486 പേരെ ആശുപത്രിയിൽ പ്രവേശിപ്പിച്ചു. കഴിഞ്ഞ ഒരാഴ്ചയ്ക്കിടെ മൂന്ന് മരണങ്ങൾ റിപ്പോർട്ട് ചെയ്യപ്പെട്ടു.

JN.1 കോവിഡ് വേരിയൻ്റാണ് നിലവിൽ അയർലണ്ടിൽ വ്യാപിക്കുന്നത്. JN.1 ൻ്റെ ഉപവിഭാഗമായ KP.3 യും വർദ്ധിച്ചുകൊണ്ടിരിക്കുന്നു. ചില അപകടസാധ്യതയുള്ള ഗ്രൂപ്പുകൾക്കുള്ള HSE സ്പ്രിംഗ് ബൂസ്റ്റർ വാക്സിനേഷൻ പ്രോഗ്രാം ഈ മാസം ആദ്യം വേനൽക്കാലത്ത് താൽക്കാലികമായി നിർത്തി. 80 വയസോ അതിൽ കൂടുതലോ പ്രായമുള്ളവർ, ദുർബലമായ പ്രതിരോധശേഷിയുള്ള അഞ്ചോ അതിൽ കൂടുതലോ പ്രായമുള്ളവർ എന്നിവരെ ലക്ഷ്യമിട്ടായിരുന്നു ഇത്.

ആർക്കെങ്കിലും കോവിഡ് -19 ൻ്റെ ലക്ഷണങ്ങളുണ്ടെങ്കിൽ, അവ പൂർണമായും മാറിയ ശേഷം 48 മണിക്കൂർ വരെ വീട്ടിൽ തന്നെ തുടരണമെന്ന് ഡോക്ടർമാർ നിർദേശിക്കുന്നു. മറ്റ് ആളുകളുമായി, പ്രത്യേകിച്ച് ഉയർന്ന അപകടസാധ്യതയുള്ള വിഭാഗങ്ങളുമായുള്ള സമ്പർക്കം ഒഴിവാക്കണം.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb