സിഗരറ്റ് വാങ്ങുന്നതിനുള്ള കുറഞ്ഞ പ്രായപരിധി 21 ആയി ഉയർത്തും

ആരോഗ്യമന്ത്രി അവതരിപ്പിക്കുന്ന പുതിയ നിയമപ്രകാരം അയർലണ്ടിൽ സിഗരറ്റും മറ്റ് പുകയില ഉൽപന്നങ്ങളും വാങ്ങുന്നതിനുള്ള നിയമപരമായ പ്രായം 18 ൽ നിന്ന് 21 ആയി ഉയർത്തും.നിയമാനുസൃത പ്രായം മൂന്ന് വർഷം വർധിപ്പിക്കുന്നതിനുള്ള നിയമനിർമ്മാണത്തിന് സ്റ്റീഫൻ ഡോണലി ഈ ആഴ്ച മന്ത്രിസഭയുടെ അംഗീകാരം തേടും. 18 നും 21 നും ഇടയിൽ പ്രായമുള്ളവരെയും നിലവിൽ പുകയില ഉൽപന്നങ്ങൾ വിൽക്കാൻ നിയമപരമായി അർഹതയുള്ളവരെയും ബാധിക്കാത്ത തരത്തിലാണ് ബിൽ രൂപകൽപന ചെയ്യുക.

വെൻഡിംഗ് മെഷീനുകളിൽ നിന്നുള്ള പുകയില, വേപ്പ് ഉൽപന്നങ്ങൾ എന്നിവയുടെ വിൽപന നിരോധനവും നിയമമാക്കും.ഡിസ്പോസിബിൾ വേപ്പുകൾ നിരോധിക്കുന്നതിനും വേപ്പുകളുടെ സുഗന്ധങ്ങളെ ചുറ്റിപ്പറ്റിയുള്ള പ്രശ്നങ്ങൾ പരിഹരിക്കുന്നതിനും വേപ്പ് പാക്കേജിംഗിൻ്റെ തിളക്കമുള്ള നിറങ്ങൾക്കുമായി കൂടുതൽ നിയമനിർമ്മാണം നടത്താൻ പദ്ധതിയിട്ടിട്ടുണ്ട്.കഴിഞ്ഞ വർഷം, നിക്കോട്ടിൻ ശ്വസിക്കുന്ന ഉൽപ്പന്നങ്ങളായ ഇ-സിഗരറ്റ്, വാപ്സ് എന്നറിയപ്പെടുന്ന കുട്ടികൾക്കായി വിൽക്കുന്നത് സർക്കാർ നിരോധിച്ചു.

റോയൽ കോളേജ് ഓഫ് ഫിസിഷ്യൻസ് ഓഫ് അയർലൻഡ് പോളിസി ഗ്രൂപ്പിൻ്റെ (ആർസിപിഐ) “Tobacco 21” റിപ്പോർട്ട് അനുസരിച്ച്, 15 നും 17 നും ഇടയിൽ പ്രായമുള്ള കൗമാരക്കാരിലാണ് പുകവലിയിൽ ഏറ്റവും കൂടുതൽ പരീക്ഷണം നടക്കുന്നത്. അയർലണ്ടിൽ പുകയില ഉൽപന്നങ്ങൾ വിൽക്കുന്നതിനുള്ള ഏറ്റവും കുറഞ്ഞ പ്രായപരിധി ഉയർത്തുന്നത് പുകയിലയ്ക്ക് അടിമകളാകുന്ന കൗമാരക്കാരുടെയും യുവാക്കളുടെയും എണ്ണം കുറയ്ക്കുമെന്നും യുവ കൗമാരക്കാർക്കിടയിൽ പുകവലി നിരക്ക് 25% കുറയ്ക്കുമെന്നും അതിൽ പറയുന്നു.

ആർസിപിഐയുടെ കണക്കനുസരിച്ച്, അയർലണ്ടിൽ ഓരോ വർഷവും ഏകദേശം 4,500 പേർ പുകവലിയുടെ ദൂഷഫലങ്ങളാൽ മരിക്കുന്നു. ഐറിഷ് ഹാർട്ട് ഫൗണ്ടേഷനുമായുള്ള അഡ്വക്കസി ആൻഡ് പേഷ്യൻ്റ് സപ്പോർട്ട് ഡയറക്ടർ ക്രിസ് മേസി, ഈ നിയമത്തെ സമീപകാലത്തെ ഏറ്റവും പ്രധാനപ്പെട്ട ആരോഗ്യ സംരക്ഷണ നടപടികളിലൊന്നായി വിശേഷിപ്പിച്ചു. പൊതുജനങ്ങൾ ഈ പരിഷ്‌കാരത്തെ വളരെയധികം അനുകൂലിക്കുന്നുണ്ടെന്നാണ് സർവേകൾ സൂചിപ്പിക്കുന്നതെന്നും മേസി കൂട്ടിച്ചേർത്തു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb