ജീവിത ചെലവ് നേരിടാം; Social Welfare Irelandന്റെ ക്ഷേമ ആനുകൂല്യങ്ങളെ കുറിച്ച് അറിയാം..

ജീവിതച്ചെലവ് വർധിച്ചു വരുന്ന സാഹചര്യത്തിൽ ജനങ്ങളെ സഹായിക്കുന്നതിനായി നാല് ക്ഷേമ ആനുകൂല്യ പദ്ധതികൾ അവതരിപ്പിച്ചിരിക്കുകയാണ് Social Welfare Ireland. അയർലണ്ടിനലെ ജീവിതച്ചെലവ് കഴിഞ്ഞ മാസം 38 വർഷത്തിനിടയിലെ ഏറ്റവും ഉയർന്ന നിലയിലെത്തി. ഊർജം, പാർപ്പിടം, പലചരക്ക് സാധനങ്ങൾ തുടങ്ങി എല്ലാ മേഖലയിലും വിലക്കയറ്റം വർദ്ധിച്ചുവരികയാണ്.

നിങ്ങൾക്ക് ലഭിച്ചിട്ടില്ലാത്ത സാമൂഹിക ക്ഷേമ പേയ്‌മെന്റുകൾക്ക് അപേക്ഷിക്കാനുള്ള ഏറ്റവും അനുയോജ്യമായ സമയമാണിത്. ജീവിതച്ചെലവ് കൈകാര്യം ചെയ്യുന്നതിനായി സർക്കാർ വരുത്തിയ പുതിയ മാറ്റങ്ങൾ എന്തെല്ലാമെന്ന് അറിയാം.

Housing Assistance Payment (HAP)
ദീർഘകാല ഭവന ആവശ്യങ്ങൾ ഉള്ള ആളുകൾക്കുള്ള ഒരു സാമൂഹിക ഭവന ആനുകൂല്യമാണ് ഹൗസിംഗ് അസിസ്റ്റൻസ് പേയ്മെന്റ്. ഇതിനായി നിങ്ങളുടെ കുടുംബത്തിന്റെ വലുപ്പത്തെ ആശ്രയിച്ചിരിക്കുന്ന വാടക പരിധികൾ പാലിക്കണം. പ്രാദേശിക അധികാരികൾക്ക് HAP വാടക പരിധിയേക്കാൾ 35% വരെ വർദ്ധനവ് നൽകാൻ സാധിക്കും.

Additional Needs Payment
അഡീഷണൽ നീഡ്‌സ് പേയ്‌മെന്റ് ഈ വർഷം ആദ്യം പ്രഖ്യാപിച്ചിരുന്നു, പ്രതിവാര വരുമാനത്തിൽ നിന്ന് ചിലവിനുള്ള തുക കണ്ടെത്താൻ കഴിയാത്ത ആളുകളെ സഹായിക്കാനാണ് ലക്ഷ്യമിടുന്നത്. നിശ്ചിത തുകയ്ക്ക് പകരം നിങ്ങളുടെ സാഹചര്യങ്ങളെ ആശ്രയിച്ചാണ് സഹായം ലഭിക്കുക. ഇന്ധനത്തിന്റെയും വൈദ്യുതിയുടെയും ചെലവിൽ വർദ്ധനവ്, മോട്ടോർ വാഹനങ്ങളും വീട്ടുപകരണങ്ങളും ഫർണിച്ചറുകളും മാറ്റിസ്ഥാപിക്കൽ ഉൾപ്പെടെയുള്ള അവശ്യമായ അറ്റകുറ്റപ്പണികൾ, ശവസംസ്കാരച്ചെലവ്, സ്വകാര്യ വാടക താമസത്തിനുള്ള നിക്ഷേപങ്ങൾ, ആദ്യമായി വീട് സജ്ജീകരിക്കുകയാണെങ്കിൽ അവശ്യ ഉപകരണങ്ങൾ, തീപിടുത്തമോ വെള്ളപ്പൊക്കമോ പോലുള്ള അടിയന്തിര സംഭവങ്ങൾക്ക് ശേഷം ഭക്ഷണം, വസ്ത്രം, പാർപ്പിടം, ആശുപത്രിയിലേക്കുള്ള ആവർത്തിച്ചുള്ള യാത്രാ ചെലവുകൾ, ആശുപത്രിയിലോ ജയിലിലോ ഉള്ള ബന്ധുവിനെ സന്ദർശിക്കുക തുടങ്ങിയ ആവശ്യങ്ങളാണ് പട്ടികയിൽ ഉള്ളത്.

Fuel Allowance
ഇന്ധന അലവൻസ് ലഭിക്കുന്നതിന് സ്കീം നിശ്ചയിച്ചിട്ടുള്ള മാനദണ്ഡങ്ങൾ പാലിക്കണം.ശീതകാല മാസങ്ങളിൽ നൽകുന്ന സാധാരണ സീസണൽ അലവൻസിന് പുറമെ നൽകിയിരുന്ന ഇന്ധന അലവൻസിന്റെ ഓഫ്‌ പേയ്‌മെന്റ് അധികമായി സർക്കാർ നൽകിയിട്ടുണ്ട്. 2023-ലെ ബജറ്റ് സെപ്റ്റംബർ 27-ന് പ്രഖ്യാപിക്കുമെന്ന് പ്രതീക്ഷിക്കുന്നതിനാൽ ഒരു തവണ കൂടി ഓഫ് പേയ്‌മെന്റുകൾ വാഗ്ദാനം ചെയ്യുന്ന കാര്യം സർക്കാർ പരിഗണിക്കുന്നു.

National Childcare Scheme
ദേശീയ ശിശുസംരക്ഷണ പദ്ധതിയിൽ ആറ് മാസത്തിലധികം പ്രായമുള്ള കുട്ടികൾക്ക് രണ്ട് തരത്തിലുള്ള സബ്‌സിഡികൾ ഉണ്ട്. ആദ്യത്തേത്, മൂന്ന് വയസ്സിന് താഴെയുള്ള കുട്ടികൾക്കും മൂന്ന് വയസ്സിന് മുകളിലുള്ള കുട്ടികൾക്കുമുള്ള ഒരു സാർവത്രിക സബ്‌സിഡിയാണ്. ഇത് ഇതുവരെ എർലി ചൈൽഡ്ഹുഡ് കെയർ ആന്റ് എഡ്യൂക്കേഷൻ പ്രോഗ്രാമിലേക്ക് യോഗ്യത നേടിയിട്ടില്ല. 15 വയസ്സുവരെയുള്ള എല്ലാ കുട്ടികൾക്കും പ്രായപരിധി അടുത്തിടെ നീട്ടിയിരുന്നു. രണ്ടാമത്തെ സബ്‌സിഡി 15 വയസ്സിന് താഴെയുള്ള കുട്ടികൾക്കുള്ള വരുമാനം കണക്കാക്കിയ സബ്‌സിഡിയാണ്.