ആശങ്കയുയർത്തി Darragh കൊടുങ്കാറ്റ്; വെള്ളിയാഴ്ച കരതൊടുമെന്ന് മുന്നറിയിപ്പ്

Darragh കൊടുങ്കാറ്റിനെ നേരിടാൻ അയർലൻഡ് തയ്യാറെടുക്കുന്നു. Darragh കൊടുങ്കാറ്റ് ഈ ആഴ്‌ച അവസാനത്തിൽ കരതൊടുമെന്ന് പ്രതീക്ഷിക്കുന്നു. വരും ദിവസങ്ങളിൽ രാജ്യത്തുടനീളം ശക്തമായ കാറ്റും മഴയും ഉണ്ടാകും. Darragh കൊടുങ്കാറ്റ് ഈ വെള്ളിയാഴ്ച അയർലൻഡിലെത്തുമെന്ന് Met Eireann അറിയിച്ചു. വ്യാഴാഴ്ചയോടെ താപനില ഉയരുമെന്ന് കാലാവസ്ഥാ നിരീക്ഷകർ പ്രതീക്ഷിക്കുന്നു. ഈ ആഴ്ച അവസാനത്തോടെ കാലാവസ്ഥ സ്ഥിരമാകുമെന്നും അടുത്ത ആഴ്‌ച പൊതുവെ വരണ്ടതായിരിക്കുമെന്നും Met Eireann അറിയിച്ചു. എന്നിരുന്നാലും മഞ്ഞുവീഴ്ചയും മൂടൽമഞ്ഞുമുണ്ടാകാൻ സാധ്യതയുണ്ട്.

ശക്തമായ കാറ്റ് വീശാൻ സാധ്യതയുള്ളതിനാൽ, വൈദ്യുതിവിതരണം തടസ്സപ്പെടുമെന്നും ആശങ്കയുണ്ട്. വ്യാഴാഴ്ച അയർലണ്ടിൻ്റെ ഭൂരിഭാഗം പ്രദേശങ്ങളിലും കനത്ത മഴ പ്രതീക്ഷിക്കുന്നു. വടക്കൻ, കിഴക്കൻ പ്രദേശങ്ങളിൽ വ്യാഴാഴ്ച പൊതുവെ വരണ്ട കാലാവസ്ഥയായിരിക്കും.തെക്കും പടിഞ്ഞാറും മേഘാവൃതമായിരിക്കും. രാജ്യവ്യാപകമായി രാവിലെയും ഉച്ചതിരിഞ്ഞും മഴ വ്യാപിക്കും, ചില സ്ഥലങ്ങളിൽ ശക്തമായി മാറും. പരമാവധി താപനില 7°C മുതൽ 11°C വരെയും ഏറ്റവും കുറഞ്ഞ താപനില 1°C മുതൽ 5°C വരെയുമാകും.

വെള്ളിയാഴ്‌ച രാത്രിയിൽ ശക്തമായ കാറ്റും വ്യാപകമായ കനത്ത മഴയും പ്രാദേശിക വെള്ളപ്പൊക്കത്തിൻ്റെ അപകടസാധ്യതയുമുണ്ടെന്ന് മുന്നറിയിപ്പിൽ പറയുന്നു.6°C മുതൽ 9°C വരെ ഉയർന്ന താപനിലയുണ്ടാകും. വ്യാപകമായ കനത്ത മഴയ്‌ക്കൊപ്പം വെള്ളിയാഴ്‌ച രാത്രി ശക്തമായ കാറ്റിനും സാധ്യതയുണ്ട്. ഏറ്റവും കുറഞ്ഞ താപനില പൂജ്യം മുതൽ 5 ഡിഗ്രി സെൽഷ്യസ് വരെയാകാം.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb