15% കോർപ്പറേഷൻ നികുതി സംബന്ധിച്ച സർക്കാർ തീരുമാനം വ്യാഴാഴ്ച ഉണ്ടായേക്കാൻ സാധ്യത

കോർപ്പറേഷൻ നികുതി കുറഞ്ഞത് 15 ശതമാനമായി നിശ്ചയിക്കാനുള്ള അന്താരാഷ്ട്ര ഉടമ്പടിയിൽ ചേരേണ്ടതുണ്ടോ എന്ന് സർക്കാർ വ്യാഴാഴ്ചയോടെ തീരുമാനിച്ചേക്കാൻ സാധ്യത.ഇത് അയർലണ്ടിന്റെ 12.5 ശതമാനം നിരക്കിന്റെ അവസാനത്തെ സൂചിപ്പിക്കുന്ന ഒരു നീക്കമാണ്.

ലോകമെമ്പാടുമുള്ള ബഹുരാഷ്ട്ര കമ്പനികൾക്ക് നികുതി ചുമത്തുന്ന രീതി പരിഷ്കരിക്കാനുള്ള ശ്രമങ്ങളെ ഏകോപിപ്പിക്കുന്ന അന്താരാഷ്ട്ര സംഘടനയായ OECDയിൽ നിന്ന് ഒരു കരാർ രേഖയുടെ പുതിയ കരട് തനിക്ക് ലഭിച്ചതായി ധനകാര്യ മന്ത്രി Paschal Donohoe തിങ്കളാഴ്ച രാത്രി സ്ഥിരീകരിച്ചു.

കരാറിൽ ഒപ്പിടാൻ ഇതുവരെ വിസമ്മതിച്ച ചുരുക്കം ചില രാജ്യങ്ങളിൽ ഒന്നാണ് അയർലൻഡ്. കൂടാതെ അയർലണ്ടിന്റെ പരമ്പരാഗത കുറഞ്ഞ നിരക്കായ കോർപ്പറേഷൻ നികുതി ഉപേക്ഷിക്കാൻ Donohoe യൂറോപ്യൻ യൂണിയനിൽ നിന്നും യുഎസിൽ നിന്നും മറ്റ് സ്ഥലങ്ങളിൽ നിന്നും കടുത്ത സമ്മർദ്ദം നേരിടുന്നുമുണ്ട്.

“ഞങ്ങൾ കുറച്ച് പുരോഗതി കൈവരിക്കുന്നു എന്നാൽ കമ്മീഷനുമായി ഒഇസിഡിയുമായി കൂടുതൽ ഇടപഴകേണ്ടതുണ്ട്. അതെല്ലാം നടന്നുകൊണ്ടിരിക്കുകയാണ്” എന്ന് Luxembourgൽ യൂറോപ്യൻ യൂണിയൻ ധനമന്ത്രിമാരുടെ ഒരു സമ്മേളനത്തിൽ സംസാരിക്കവെ Donohoe പറഞ്ഞു.

European Commission’s competition and digital chief, Margrethe Vestagerമായും economy and trade commissioners Paolo Gentiloni, Valdis Dombrovskis എന്നിവരുമായും തിങ്കളാഴ്ച Donohoe നികുതി സംബന്ധിച്ച ചർച്ചകൾ നടത്തിയിരുന്നു.